烏龜要食幾多

誤解五：野生龜的食物很貧乏，經常吃不飽，饑一頓飽一頓，所以人工養龜只需要給它們提供很少的食物。

→雖然野生龜是吃得比飼養的少，但我們飼養龜隻時，也不要過份餵得太多，8成就得，餵得多而活動量不足會容易過肥


餵幾多 , 個人認為視乎龜龜胃口 , 身形 , 成長期而定。
而且市面上有唔同 size 龜糧 , 用粒數好難作準 ,
建議可以有一次比平時餵得多 , 直到龜龜唔食 d 糧 ,
你咪知佢食幾多會飽囉 , 再用呢個份量計 8 成左右 ,
咁龜龜就應該會次次都同你清糧。
龜龜一日餵 1 - 2 餐就夠 ,
視乎份量而定。
另外至龜龜有咁上下大就可以餵菜 / 紅虫 / 魚仔等新鮮食物
視乎龜龜 ge 食性 , 唔建議餵生肉 , 因為怕有寄生虫。
仲有就係記得定時幫龜龜補充鈣質 ,
因為大多數糧都缺少鈣 , 會令龜龜唔夠鈣成長。

其實如果你想知更多 , 不如上去
http://www.hkherp.org/newforum/index.php
睇睇~
佢地係香港一個關注兩棲及爬蟲動物 ge 慈善團體 ,
果度有唔少養龜龜 ge 人士起度 , 可以同你交流下同分享下。

另外 , 天氣開始會愈來愈凍 , 記得幫龜龜做好保溫(新手建議) ,
或者準備好比龜龜冬眠(老手才試吧)。

金魚烏龜等小動物係唔識飽,所以有飽死冇餓死說法,無論係冬天還是夏天,一日一餐至兩餐好喇,唔好比咁飽佢食就得喇~