家中有隻十六七歲的狗，已病重多時，可否介紹善終服務，免其痛苦？

唔好再比狗狗受咁多苦啦, 快一點決定, 送佢走啦~

至於善終服務, 你可以搵呢間

伴着牠寵物服務中心
http://www.angelspath.hk/

我的狗狗離開時, 係半夜, 呢間公司可以直接到診所PICK UP, 而且唔會有ADDITONAL CHARGE, 正如上面有朋友咁講, 呢間公司比較尊重寵物, 而且收費亦唔貴~

您好.
我的小狗也不能走動.2隻腳都已經萎縮.下身都潰爛了.
手術費3萬元,成功機會很高.這令我更難過.
她只有3歲.看著她我很心痛,我不想她再受苦.
可是我真得捨不得.想像自己以後都不可以再見到她,那種感受您明白.
不過我相信,當我自己也不在人世的時候.我就會再跟她見面.
你也不要太難過了.終有一天您們可以再在一起的.

我唔係住香港區，唔知邊度有上門服務，我諗你查黃頁，打電話去問吓有無vet上門人道毁滅！如在診所做人道毁滅，可存放在診所，之後call善終，任何一間都可收！之前網友都list咗出嚟，你可問清楚。
真係痛苦嘅決擇！17歲喇，證明你家照顧得佢好好，先有咁長命，但見到佢咁辛苦，又医唔到真係...唉！又未可安詳咁自然去，同佢打支針，安樂Ｄ咁去又好似殺人犯咁，好內疚！你問狗狗，佢要唔要死，佢點識答你吖，佢或者唔知乜野係死亡！但我諗你地要同佢傾多Ｄ，比佢知道就算家人決定打針，都唔係嫌棄佢，唔係覺得係負担，只係唔想佢辛苦，去到另一個世界後又可回復活力，同其他小動物開開心心咁生活！
善終服務都好細心，你即管提出要求，做得到嘅佢哋都會幫，獨立火化都係千多，我就要求佛教儀式，希望念經令狗狗安息，始終佢都係一家人，死後都要風光大葬！我仲食7日齋，只係小小心意，有無得著唔知，只係對去世嘅一點心意。前後有兩隻狗狗去世，都係自然，大家有咗共識，好安詳咁就走；你狗狗可能好辛苦死撑，可能你爸爸入咗院，未見到最後一面唔想走，完成佢心願，狗狗都去得安樂。

善終服務係隻狗已經死左先call佢地上黎收遺體，你隻狗都未死，你想佢唔痛苦係要帶佢去獸醫人道毀滅。無車可以call van都得架。衰D講句，隻狗比左咁多年快樂你地，依家狗最後一程。

狗狗去到這情況一定好難受, 其實在這情形, 醫生都會將決定權交給家人, 這段時間相信你們都要面對現實, 若果你相信狗狗去後能夠去一處彩虹橋地方,那裡有平原, 山丘, 又有其他狗朋友一同生活, 最重要每隻狗狗都能脫去病患, 年老, 傷殘等痛苦, 回復年輕時的青春活力, 可以好自由, 快樂地生活。有動物傳心術學家提到, 一隻會離開的狗狗會知道家人對佢的唔捨得, 所以為左家人會好堅強, 忍受身體的痛苦去繼續求存, 直到最後一刻或者家人能接受自己離去的現實, 他們的生命最後一刻都會為人設想。

以下資料是關於寵物善終服務, 希望能幫到你。

寵物善終服務


忘不了寵物善終服務中心
http://www.dontforgetpets.com/


最終有您寵物善終服務
www.hkpetsparadise.com


專業寵物善終服務
www.petsfuneral.com.hk


寵物善終服務網站
www.mydearpet.com


寵之天國寵物善終服務
www.petsheaven.com.hk


寵物浩園善終服務有限公司
www.peacefulpet.com.hk


再見寵兒善後服務中心
www.goodbyedear.com.hk寵物善終服務


位於屯門的寵物善終服務公司
可觀看以下網此有長細資料
伴着牠寵物服務中心
http://www.angelspath.hk/

根據網友消息, 屯門那間是最好, 態度不錯和價錢合理, 相對其他有名氣的公司時常吹捧自己, 但又言過其實, 他們的所謂公司原來就是如此嚇人,如此污穢不堪的手段營商,在網頁裏的吹噓及作大……………你們真的不可相信, 我不在這裡公開他們的名稱, 但作為愛他們的主人就要在選擇善終公司時注意以下事項:

1：先攪清楚你想為自己寵兒做什麽形式的火化,要不要留灰?要不要觀禮?因為寵兒留不留灰,是直接影響其火化價錢的,現時市面上多數的公司,如要做一個不留灰的處理,他們是不給你們到現場參觀火化儀式的,當然做個留灰的處理自然會貴一些,因為起碼多了一個骨灰盅。(問清楚有冇悼念室,如有的話可會又要另外收費?)


2：千萬不要貪便宜,覺得不合理就要執生!


3：問清楚寵兒遺體收了之後,可會遂日遂日來計算雪藏費用,因為有D要計錢的,所以要小心!(唔好到火化時埋單才知比人砍到一頸血。)


4：很多寵物善終公司的網頁內容都是言過其實, 他在網頁上寫着：本公司是全港最大規模及多元化的善終服務公司,哩句真係殺死唔少人,相信亦令唔少寵物主人中過招,試問一間公司在同一個門口出入竟然有成二十多間公司的門鐘在同一個單位內,我去到更沒有人在公司運作的(原來常處於真空狀態),我真不知這是一間乜公司!仲話全港最大規模,是否很諷刺!


5：你們是否很關心寵兒在雪櫃內屍疊屍的問題?不錯!這是千真萬確的事情,亦是作為主人一直擔心的問題!試問真係有良心和愛心的人又有幾多?更何況是要對已死去的動物屍體來過尊重呢?


寵物善終服務知多D,寵兒才能走好D ！！！！！！

您去獸醫院問吓啦，佢哋會比一D建議您。（雖然寫得唔係好詳細，

不過照做嘅話成個問題都會解決。）