倉鼠一問..唔該大家幫幫手

你可以同鼠鼠做下以下事情:A.建立關係既過程
鼠鼠買返唻既初時,頭兩日唔好打擾佢,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先
f)建立好基本既關係之後,用特定既聲音去叫鼠鼠(簡單聲音鼠鼠先易記得),慢慢鼠鼠就會認得你既聲,鼠鼠日後聽到就會自然過唻

B.放鼠出籠
同鼠鼠熟左之後,可以放放鼠鼠出唻我習慣係咁既,可以參考一下:
我會將四方桌既一邊貼牆,自己就面對牆,另外兩邊就用盒整高,等鼠鼠走唔到出去,咁樣圍住,籠貼牆邊,籠既門對住我,之後先放鼠鼠出唻
多數我俾d野食鼠鼠,鼠鼠就會拎住,行返入籠放好
咁既方法一來唔易俾鼠鼠走左去,二來可以令鼠鼠習慣有野食就帶返入籠,咁萬一鼠鼠走左去,都有機會執到野食之後返返入去了

C.買玩具俾鼠鼠玩
隻隻鼠鍾意玩既玩具都未必一樣,只係轉輪係可以話隻隻鼠都玩的,轉輪要留意唔好係一間間會卡鼠腳既,唔係都會好危險(籠既地板都要留意呢個問題)
除左轉輪,鼠鼠玩既玩具最好係鼠鼠專用既木制玩具,木製玩具可以俾鼠鼠磨牙同磨爪,又易清理,又耐用,所以係唔錯既選擇;又有木制既食物盆,要鼠鼠自己開個蓋先食到野既
但唔好買波波球之類(有d係成架車,車上有個球,類似既玩具),都算係危險既玩具,因為通風做得比較差,而且鼠鼠被困入面,令鼠鼠有壓力,想像下你被困一個咁既物品入面,行極都出唔到去有咩感覺?

D.訓練鼠鼠
同鼠鼠熟之後,在籠外叫下鼠鼠,訓練鼠鼠一叫or一行過就鼠行埋唻,都可以訓練鼠鼠唔好咬籠,用廁所等,主要係同鼠鼠熟,熟左就好易從同一方法改變少少,令鼠鼠學識唔同既野,可以試下以下方法:
例如我習慣見到鼠鼠吠籠既時候就會叫佢,用d好似鬧佢既語氣叫佢,多數佢會停一停,之後又爬過,咁就再鬧,佢一唔吠既時候,我就俾野佢食,慢慢佢會明白,唔咬就有野食.我試過好多次都會學得識,當然可能係要試好多好多次

E.可以俾野食俾鼠鼠
食野鼠鼠會好開心,有野食都可以好好玩,但記緊唔好亂俾野食俾鼠鼠食,唔係好易會令鼠鼠唔舒服,其實只係俾混合主糧同時都可以加d鼠專食既牧草or草磚已經好足夠,玩時俾主糧既其中一粒俾鼠鼠,鼠鼠都好開心啦

同鼠鼠玩要留意以下事項:
1)放鼠出唻最好係黃昏時候
因為鼠鼠係夜間活動日頭訓覺,多數黃昏開始先較活躍,所以黃昏對鼠鼠唻講較好

2)唔好在鼠鼠訓既時候要鼠鼠出唻玩
刻意去改善鼠鼠既作息,會令鼠鼠辛苦

3)要有足夠既信心先好放鼠鼠出唻
鼠鼠出到籠就一定會想偷走,所以有一定既信心唔會俾鼠鼠走左去,要控制得好好先得,鼠鼠一走左,就有排搵架啦,走左出去又危險

4)做足安全設施
a.如果放鼠鼠在地,要留意唔會有毒藥,地方要衛生,唔會有垃圾,唔係俾鼠鼠食到就大件事
b.如放在桌就要圍好桌邊,唔好俾鼠鼠有機會跳or趺左落地
c.同一地方唔會有野整親鼠鼠
d.同處既位置唔會有貓狗等其他動物

5)時間不要太耐
放出唻太耐會令鼠鼠太累
特別係初次放鼠出唻,最好幾分鐘就算,唔係好易會嚇親鼠鼠,鼠鼠一驚,好易好快咁走左去,受驚又易病

另外,唔知係咪未買鼠既呢?養鼠需要考慮及飼養方法可參考以下我回答既知識:
http://hk.knowledge.yahoo.com/question?qid=7008050302859