我家中的魚缸用了氣泵點解成個魚缸d魚不受控制?

請你立即熄左個氣泵，
之後拎返佢出黎～
如果你話「成缸魚就好似洗衣機咁」
咁你一定係無理會魚缸大小而去買氣泵～
氣泵唔係個個大小唔同既魚缸都岩用，
而且氣泵釋放既能量各有不同，
細缸緊係買能量較小嫁啦～
而且氣泵應該跟住一舊至兩舊氣石一齊用，
或者用水妖，
因為唔連埋用，
ｄ氣好大，
一黎會造成好大浪，
二黎氧溶唔到入水，
水中含氧量唔會馨加～
孔雀魚的話，
我見唔到有問題，
因為係太古既水族廣場，
全用氣泵飼養，
點解你果個有問題，
就係因為魚缸過細，
或氣泵太強，
而你係應該買之前問問店員邊種岩，
講埋你個缸幾大～
另外，
點解你唔用濾水器？
濾水器係一定唔會太強，
令魚飛黎飛去，
而且有過濾功能，
一舉兩得～
而且價格都只係氣泵既兩倍，
約四十蚊都有交易，
所以建議你都係用濾水器啦，
出水唔會太大水流，
有得手動調較，
入水口可以加個生化棉去隔住入口，
唔會吸左條魚入去～

2008-10-12 14:02:51 補充：
另外，
通常氣泵都當係輔助品，
只得供氧一個用處，
無其他～
而濾水器先係一種主要設備，
係養任何水族生物必須既設備，
無用就肯定唔掂～

你要視乎你個缸有幾大,先好買泵呀!
我都有養你所講既魚,呢d魚既力量真係好細架,如果你個泵出氣位太勁,就會有你所講既情形「成缸魚就好似洗衣機咁」。

你最好就係買一個濾水器啦,濾水器濾水既同時,又可以供氣,不過如果你想要有供氣功能既濾水器,就要買「掛濾」,或者「頂濾」,你同水族鋪d人講,佢地就會明架啦。呢兩種濾水器都唔算貴,而我就會建議你買掛濾,因為掛濾好用,又便宜,出面一定有得買,四十幾纹就有一個(不過係細size既),你用濾水器就一定要用 glass既,因為如果你用膠缸既話係不能承住個濾水器,而且用濾水器仲可以late d先換水和洗缸,對d魚都好d啦!

我諗你應該係新手,教埋你點養啦!


1.一日餵一次糧

2.一星期換全缸水既三份之一,最好用隔夜水(即將d水放一晚到天光,聽朝換水)換隔夜水d魚會無咁易死。

3.一個月洗一次濾水器

4.四至六個月洗一次缸。

5.冬天水溫低個二十五度既話就放暖管,不過記得要買個溫度計係個缸度量度水溫,因為水裡的溫度唔同水外溫度。

我建議你買紅劍,因為佢地易養。

買魚時候最好係自己選,一條一條咁選,不要是一袋入面有好多條個d,因為個d魚入面可能有病魚,你見袋裝d價錢係平左好多架,好有可能係
cheap野。

仲要選一些無白點,無爛尾,活潑的魚呀!

總有濾水器入面一定要有生物環/生物球,因為魚的排泄物會變成成毒素,魚吸收回這些毒素,便很容易死。生物環/生物球便可以分解那些毒素了。不過記得要係用換水換出來的魚水來洗生物環/生物球,不是的話有生物環/生物球 也沒有用。

而養孔雀魚缸底就最好就最好係用沙石了,唔好用泥,因為泥會令到d水變做酸性,孔雀魚唔適合。

你可以養草!!!不過個魚缸最好放係有陽光的地方,咁樣d草會養得好d,話姐你個到真係無光既話,你就放燈照下羅,就算真係無養草,night既時侯用燈照下d魚,d魚真係會靚好多架。

病左就要買藥,不過我建議你買支藥預防住先,買「魚救」都唔錯,水族鋪一定有得買,十纹有交易。

是出氣太大, 與你的魚缸size不合. 你的魚缸是否細缸, (1 呎?)
先用衫夾來夾住在魚缸邊, 看下出氣有無細些. 或有些專用夾氣管的, 用來夾下條膠管, 那出氣會細些, 那就不會滾住D魚.
而氣泵是連住一條膠管, 落魚缸的一邊要用個氣石 (有不同大小和圓形,長形...) 你應該用最小的 (圓形), 或有些魚缸裝飾屋仔等 (旁邊有個膠管咀, 插落連氣泵的膠管便可).