心 煩 的 媽 媽

你講得無錯,做父母的確不易,關心往往被理解為"煩",多問一句,多說一句都不可以,甚至根本沒有機會,有時真的好心淡。
但是不竟孩子已經長大,有自己的世界,不像往日的小女孩,跟着媽媽一起行街買衫,多愉快。這些令我和你也都回味的日子,終於都過去,孩子長大了,我們其實也應學習成長。
事實是孩子終有一天離我們而去,今天的情况也衹是前奏,作為家長的要習慣沒有孩子跟前跟後的日子。其實令千金並沒有变得唔聽話,衹是變得更有主見,更希望可以自主,衹為日後自立作個準備。回想我們少年時,其實都一樣,也希望事事能自己出主意,衹是當時身處的角色不同,沒想到我們的父母當時也許跟今天我們的想法一樣。
我想現在大概可以做的事是放開手,心理上承認孩子是長大了,可以不必我們粗心了,某此事情不再去理,我們始終是媽媽,跟孩子的多年的親愛關係不會一天就完全消失,要相信她還是愛你,衹是用了不同的方式表達。
也許去找自己的喜好可以幫我們有記託,試試找些興趣班讀下,認識一些新朋友,將自己的心神由照顧兒女轉至其他事情上,相信可以令自己放開點。

我見 10 個後生 幾乎 10 個都係咁.

唔會主動同人家打招呼.
唔幫忙做家務
唔比錢屋企(有工作的)
要人煮埋比佢食. 直頭當屋企係 服務式住宅.

你唔睇開 D 都唔得. 一孩政策 加上社會風氣太差. 自求多福

想想當年你仲系做女仔時系點?其實不亦外乎!


你囉囉疏疏,只會覺得你煩,其實最終都系二個字:信任

只要同佢約法三章,例如你去邊幾點返通知聲我拉,又或者夜晚超過幾點會系你底線等等拉.氣氛和平啲.

比啲時間佢拉,女兒開始大,有自己朋友,同事,不再是以前總伴著妳的小女兒了,切記,越控制越反效,希望妳開心啲做個開心媽媽~

你個女現時係反叛期，唔需要太緊張，唔好成日同佢嘈，免得佢有籍口唔返屋企訓，遲多一兩年等佢玩夠便會鳥倦知還…有經驗過來人~o~

我雖然未做過人媽媽, 但做過人既女, 好明白你個女諗乜嘢!

佢想要多D自由既空間, 你要信任佢, 只要佢自己明白, 乜嘢

係好, 乜嘢係壞, 你唔理得佢咁多, 後生梗係想玩多D啦....!

唔通老到唔行得先去玩咩! 你只要當佢係朋友, 同佢傾吓計,

等佢可以講多D嘢你聽, 呢方面係好緊要, 如果你管得佢太多,

佢以後有事都唔同你講, 仲慘呀! 如果佢去夜街, 你只要問佢

大約幾點返或去邊度, 佢答你既時侯, 你唔好潑佢冷水.....例

如: 去飲酒, 你就話驚佢飲醉蝕低俾人, 去唱K又話好雜咖....

咁你個女就同你好難溝通, 你只要叫佢玩得開心D, 咁就得啦!

你要俾信心你個女, 仲要俾信心自己, 你個女唔係咁蠢, 乜嘢

好人壞人都唔識分咩! 千其唔好以為你係做阿媽既, 就要個女

聽晒你話, 成日陪住你, 咁樣有點自私, 雀仔大咗, 都會自己飛

出去, 你個女去夜街, 你只要耐心等佢返, 俾佢知你有幾擔心,

唔好防礙佢既自由, 咁就得咖喇!