練膊頭一問??有冇人可以答我??

想個膊頭橫 d，舉啞鈴係最有效的方法。不過唔建議一般人自己去舉啞鈴，因為唔識點舉的話，唔但只無效，重可能會受傷添!如果你真係想舉啞鈴的話，可以去文康處轄下的 gym 學健身，又平又有免費教練，更加唔會斂財或以不良手法推銷。當然，如果唔想去做 gym 的話亦無所謂，你可以選擇游水，一樣能夠練橫個膊，而且同時增強心肺功能，減肥，一舉三得!


2008-10-12 18:53:41 補充：
<但係我都成16,7歲,仲可唔可以橫D? >

梗係無問題啦! 16/17仍然未發育完的。男性的話，要成25歲才完全發育的。再者，練膊頭增大肌肉係無年齡限制，40/50歲都重可以，可況你咁後生？

2008-10-13 08:24:09 補充：
<我屋企有啞鈴，你可唔可以大約講比我知點做?>

唔好意思，詳細的舉啞鈴方法，我從來都唔會響呢度講的，因為我覺得呢 d 野要由教練或資深的健身人士親身教導，不太適合用文字表達。

況且上面亦講過：我不建議你在家中自行舉啞鈴，因為無人睇住又無人指導，好容易受傷的。