dvd player(hdmi) 問題

其實你喺出面電器舖睇到嗰啲好靚既畫面已經唔係播緊DVD.一係播緊藍光碟,一係播緊數碼高清廣播.DVD受制於本身解像度.一定唔夠之前講嗰兩種訊號靚.
現在標榜有HDMI端出,可以將DVD增線至1080i的DVD機效果只會比你用開嗰部好小小.因為增線只係無中生有咁用插值方法加大解像度.就好似數碼相像素唔夠夾硬用插值一樣.DVD始終都係DVD,最多叫做冇咁易起狗牙,矇依然都係會矇.
乜都最怕有比較,以前DVD都叫做靚.一睇過高清就會覺得接受唔到DVD,正如睇開DVD接受唔到VCD一樣.
真係想靚的話就轉睇藍光碟,佢係目前最靚既訊號,最平的播放機可以考慮PS3,三千唔駛,不過碟就貴啲.而且數量比DVD小,新戲推出也較慢.
唔想用錢買碟就可以買個機頂盒睇高清數碼廣播,畫面比藍光碟稍差,但已經比DVD好好多.