點樣讀好ASL Computer Applications?

先申報: 我2005年考呢科有C.
睇之前要識揀電腦雜誌. 我覺得香港好多電腦雜誌唔係好適合讀CA學生睇, 因為好多都係測試DC、手機、AV(唔係成人電影)同影女, 呢D同你CA課程無關. 我學校以前有叫學生訂e-zone, 但我無訂. 如果你係要買電腦雜誌, 最好買一些集中講hardware, software及internet的雜誌. 睇書時你睇下呢三樣野有乜主要功能 (知道得, 唔駛刻意記)、知道點運作, 同埋睇下各功能點做.
話明叫電腦應用, 考試好少問你what is xxx? 考試題目係比好多case你, 題目多數會問你某人遇到問題, 你會比建議佢點解決問題, 或者提出出現問題的原因. 如果題目涉及Spreadsheet及SQL, 就主要要你寫formula/queries, 所以你要知每個構成formula及queries的詞語解釋.
因為係考你應用, 所以死讀書係無用(但唔係叫你唔讀書, 因為書本知識始終對你解決問題有用.). 所以你要多用電腦, 了解軟硬件不同功能. 多面對不同問題. 例如電腦中毒, 即使有裝防毒軟件及防火牆都仍然無解決問題, 你要諗2-3個原因.
學校以前係用特厚電腦書, 我相信你未必有時間讀晒, 所以我只係讀powerpoint及notes. Excel及database無任何附加參考書. 練習我只係做5年pastpaper及老師比的練習.
2005年係最後一年用舊syllabus, 所以舊syllabus下唔駛做project, 所以你問我project點先可以高分, 恕我未能解答. 不過, 就算TAS高分唔代表放榜一定有好成績. 我聽過阿sir話即使TAS高分, 但其他同學考試低分的話, TAS分會被拉低, 因為考評局覺得你TAS考得高分係因為學校出得容易, 所以會降低TAS成績.