其實個個患者都唔同~我之前睇過明珠台一個節目講厭食症d case (一個男仔10歲及一個女仔16歲), 10歲個男仔就一到下午六時打後就唔飲唔食, 佢認為自己如果此時打後進食就會死, 佢父母同佢弟弟(八歲)都會照常於晚上進食dinner, 點同個男仔講唔會死佢都一口咬定,如果佢一進食就會死。維持左2年都係咁~有時佢媽媽都有聽到個男仔個肚響得好厲害, 佢媽媽問佢你個肚咁響, 你唔肚餓咩?個男仔話佢都聽到佢個肚響緊, 但佢一食野會死, so死忍唔食~~~ 另一個女仔就係因為覺得一進食就會肥, 所以唔敢食....佢媽咪每餐飯都同佢好似打游擊戰, 淨係早餐一杯飲料一份西式早餐就要食成3個鍾....佢唔想食既野就不斷挑剔:好似塊多士佢唔鍾意有jam, 個cake太大個, d egg 好油, 唔熱等等....不停令自己唔食, 我係佢媽咪都咪話唔激氣, 因為個女仔過輕得好過份, so 要keep住睇醫生食特製餐單令佢增磅, 所以要食好多高卡路里食物如零食, 朱古力, 紙包飲品等等.....但個女仔就將d食物全部收埋, 好似將d 鹽焗杏仁放係筆袋, 電腦後面, 衫袋, 將d飲料倒落盆栽入面....搞到d盆栽發霉 。
個人認為厭食症係一個好可怕既病, 如果好似個女仔咁好慘, 個最壞打算係會死亡....可以既話,當然係食左幾多就減幾多, 即做運動, d血液循環都好d