點先至令頭髮，可以吹到鬆，我頭髮太幼細!電髮有冇用?

緊係唔同你電啦~~~電髮只賺你一次錢，但如果你D頭髮有差池，點賠比你呢？
如果你係去開個間SALON，但個個都唔同你電，有呢D可能。
第一個可能：係為你好，費事拎你既頭髮去博一鋪(因為如果頭髮太幼，傷左好難補救...)；
第二個可能：可能佢地無信心可以電到你個頭(因為太幼好難電架...)，
咁不如KEEP番個熟客，好過賺一次錢無左個客啦。

如果你決心要電既，你可以去一間你少去既SALON問問點電，問問價錢。
我會建議你去一D朋友自己去開既SALON，咁樣有D保證之餘，唔使亂咁揀嗎~~~

其實，如果你問我的話，我會好老實答你：即使比你電到，都好快會直番...
因為頭髮太幼細，好難保持到一個"人造形狀"(即係卷髮)好耐，
幫你整既人負好大責任架，到時唔卷唔直都唔知點賠償你損失。
所以你要諗清楚，因為即使你講明唔追究，出來都未必係你所想既一回事......
但係，可以講個實例你知~~~
曾經有個客，D髮質幼到~~~大力D拉一拉都斷...
到有日佢話想試下電，個個都耍手擰頭(可能同你情況一樣)
結果講完又講佢都唔死心，於是老闆就話：
我可以幫你試，但你要勤力D令頭髮健康D先試到，唔係就時間金錢都嘥~~~
於是佢又去SALON度整，自己又買D野返屋企整(唔記得左有幾多LU)，
三個月之後，D髮質竟然可以電到(唔知佢係咪咁勤力日日搞個頭...)
於是就即刻電啦，但第一次唔理想之餘仲好快直番......
結果，佢電左三次之後(當然係相隔一段時間)，開始KEEP到個形狀，而且仲耐左~~~

不過呢D係個別例子，因為佢既髮質幼細，被損害之後反而質量變得粗糙左~~
所以終於電到，但唔係個個人一樣架~~~
如果你夠狠心、又肯花時間的話，試下都可以既~~~
反正咩野髮型唔靚都好，留長佢做個負離子整直佢就OK可以見人~~~呵呵

希望你諗下先啦，雖然頭髮可以再生，但個過度期都唔短架~~~哈