最近對焦距離點計

鏡頭既最近對焦距離唔係計出黎既,
每一支鏡頭設計時都會有佢自己既極限,
好似一支普通50mm既定焦鏡頭, 最近對焦距離可以短到大約0.4m,
但係一支zoom鏡頭, 最近對焦距離就可以長至1.6m
而一支微距鏡, 最近對焦距離就短到以cm計.

呢個數字係由鏡片組合, 加上對焦鏡片移動範圍等去決定,
廠方設計鏡頭時, 放幾多組鏡片, 共放幾多塊鏡片, 各鏡片既弧度等等,
都會對支鏡頭既最近對焦距離有所影響,
真係要計當然唔係唔得, 不過只有廠方至有相關既資料.

簡單既用法, 會建議你將相機機身既前方作為起點,
然後根距鏡頭既對焦環上所寫既最近對焦距離做比較.

老實講影相只有對到焦對唔到焦咁分,
呢個距離只適合用黎做參考比較.

不過, 依家o的機又唔係用測距式對焦,
知到最近對焦距離似乎冇乜用......