大學選科的問題.

首先要重考會考英文, 最起碼要考到level 3. 因為英文得level 1莫講話升大學, 就連高考都無得考. 仲有, 英文得level 1代表英文底真係好弱, 要小心UE好大機會唔合格的風險. 所以你想英文好, 就要聽講讀寫方面多下功夫, 由最基本學起, 而且一定要唔怕辛苦日日學幾小時英文. 有唔識就要補習或者問人.
另外你要預算自己AL最好、好、一般、壞及最壞成績如何. 因為多數大學學系主要睇高考成績. 雖然如此, 有些名大學高考收生成績低的學系也有不錯的會考成績. 我假設你兩科AL係D, 兩科語文係E. 咁既成績除左純理及工程之外就真係無乜好揀. 如果想入三大(中大因為唔睇只係考得幾科的combine cert, 所以唔得.), 就最好有2-3科C, 甚至更好. 因為你會考唔係太好, 所以要靠高考增加入學機會.
如果你想入收生成績中下的學系, 高考考到1-2C已經係無可避免, 這些學系通常包括: 中醫、設計、護理、教育及嶺大部分科目. 收生中間就通常要全C至1-3B, 例如: 文學士、社工、三大以外工商管理、物理治療、職業治療、傳理、語文、建築、社會學、心理學、法律、醫療化驗科學...收生成績中高就要1A加1-2科B, 例如: 三大工商管理. 收生極高就要求高考最少有2-3A或以上, 會考亦最少要有2字頭分數, 包括: 科技及管理學雙學位、醫學、藥劑、計量財務、精算、環球商業.
收生成績極高及計會考比較重我真係唔建議你揀. 仲有要因應自己能力及興趣選科. 語文唔得就唔好揀計語文成績重的科目. 例如: 語文、法律、傳理、翻譯.
下面網址有收生成績.