為什麼烏會識飛? 很急! 很急! 很急! 很急! 很急! 10點

樓主好似唔係問鳥點樣學飛, 而係問點解鳥會飛.
先講有咩條件才能飛得起, 亦點解就算人類加幾大隻翼上身都飛唔起, 只可以用氣球飛機風箏呢d飛行器至飛得起.
1/ 輕
為左輕身d, 鳥類無所不用其極, 例如骨頭沒有骨髓, 而係空心既, 又冇牙齒, 單單一個鳥喙就得, 又慳番d磅數. 又例如腸子不轉彎抹角, 而係又直又短, 要大便時且大便, 減輕不必要的負擔. 而且鳥不用腿走路, 鳥腿變得比翼細小得多, 只有骨, 冇咩肌肉, 就輕好多啦.
雞有骨髓, 所以飛唔起. 鴿子就冇啦. 唔信下次食乳鴿時多加留意.
人呢, 就唔可能將骨挖空心, 亦不可以隨時大小便, 所以哪, 不可能好似鳥咁輕身. 加幾多羽毛都冇用也.
2/ 肌肉
人身上最大的肌肉係大髀, 所以跑馬拉松幾十個鐘頭都得. 鳥身上最大既肌肉係心口, 又係食乳鴿可以食到最啖啖肉個個位置. 雞和鴕鳥都係飛唔起既鳥類, 佢地都係髀肉大過胸肉.
人呢, 有冇人可以練成咁大舊肌肉, 仲大過大髀呢? 都唔係冇可能, 不過, 鳥胸肉之所以咁大塊咁大力, 仲有一個好重要既因素: 胸骨. 人類既胸骨係扁扁地一把小劍形狀, 而鳥類既胸骨向前突出如一片滑浪風帆的帆, 所以, 可以比大片肌肉搭住, 所以可以出好大力來拍翼.
人類係點練都練唔到骨架, 所以, 人類中既大力士既肌肉用來拍翼都嫌唔夠力啦.
3/ 血
鳥既血液既載氧量比人類既更高, 即係供應比肌肉既氧氣多好多啦, 即係唔需要無氧呼吸, 亦即係飛好耐都唔怕肌肉酸痛. 仲有, 鳥類既肺似個氣球多過似豬肺, 好輕好輕之餘, 對整個身體既比例又好大.
呢樣又係人類點都學唔到架. 所以要人類做出飛行既運動, 係冇可能持久既.
===
結論: 人類係冇可能學鳥咁飛, 除非: 骨係空心, 胸骨增生出船帆狀, 胸肌大大增加, 腿骨縮短變幼, 腿肌大減, 腸子變直變短, 大便隨時解決, 使用特製高載氧既血液再配一個巨肺去加氧... 嘩, 仲未計真係要生一對展開起碼有4米闊既翼呢.

002 catkan11 答得非常好, 我又學多一課

因為鳥兒拍動翅膀時, 向下所產生的力足以大過牠被地球吸引既地心吸力, 因此牠能擺脫地心吸力既影響而飛離地面.

而雀仔識飛係因為佢地細個果陣有睇過佢地既父母點飛, 同埋有一段時期係會由父/母帶領 教佢地飛既(一部分雀仔)

ps. 如果一隻雀仔企o係個磅度, 突然飛起, 磅所顯示既重量係唔會變既~係因為雀仔所拍翼產生既力度透過空氣傳到磅上, 是相等於它的原有重量的.