大家入黎 HELP ME 啦~我唔知點算好呀~ T^T

你要打動佢，請先做到take it easy，放鬆自己是成功的第一步，亦係打動女仔嘅必要條件，因為女仔只會鐘情於對愛情能做到舉重若輕嘅男人。
男人嘅吸引力，在於凡事能舉重若輕嘅瀟灑，顧盼自豪嘅傲氣，你嘅形象越痴情小生，成個弱者咁，佢越唔buy你。
我試過俾一個女仔好絕咁拒絕，但佢拒絕我時相信佢自己發夢都估唔到一年後會係佢走嚟追我，佢主動拖住我隻手話希望我愛佢。
點解會有咁大分別？因為佢拒絕左我後，我就冇再理佢，反而係佢幾個月後打電話俾我話可以同我做普通朋友，我話好。於是出嚟見，跟住佢又驚，話希望我明白佢今次係從朋友角度出發，叫我唔好意圖追番佢，否則冇friend做，我話ok。
如是者我地每月見一次，間中又通吓電話，send吓email。我嘅語氣係，朋友到唔朋友，喺佢面前粗口三級野乜都講，完全唔再理自己形像，自己鐘意做乜就做乜，鐘意講乜就講乜，結果反而可以令大家破冰，佢開始放下戒心同我真係傾好深入嘅野，我一直保持朋友嘅中立觀點同佢分析，絕對冇因為佢係心上人而錫住佢，反而有嗰句講嗰句，佢越來越buy，覺得我係知己。有時內容牽涉到我地兩個之間嘅愛情時，我唔係問佢我地仲有冇機會，反而媽媽聲，話佢拒絕我時好絕，好hurt我，趁機鬧佢幾句出氣。
一年後終於有一日我地偶然坐喺一個公園傾偈(係真係偶然)，現場環境好浪漫，我仲喺度好興奮咁發表緊我嘅攝影偉論時，佢忽然捉住我隻手放喺佢條腰度，跟住好溫柔咁問我佢仲有冇機會做我女朋友。
我嘅處理同你嘅處理有乜分別呢？當中嘅關鍵你試吓慢慢去領略啦！

比D時間佢LA,
佢都而家都冇拒絕過你!
哄係你問佢BE FRIEND, 佢當然話OK啦, 唔通唔OK咩!
我想佢冇反應比你佢應該考慮緊!
你當佢朋友先, 無論ANS係點都重會係朋友就OK啦!