於男朋友的異地戀

所有既野都係擔心唔到，有好多人會因為咁而分開！但亦識到有身邊既人直到回港後仍然係一齊，兩個重要質數唔差添~

妳唔開心就一定會架啦...不過會唔會係妳地真係會分開既原因呢？
呢樣野唔好攪錯就得，妳一樣可以等同返黎，妳亦可以相信佢會同妳一樣諗法...要異地戀就要講個信字...如果連妳自己都唔信...咩都玩完。

不過唔係叩妳麻目去信，妳要知道佢既為人係點，會唔會真係呃妳...如果唔係信錯人就會令自己好傷心了~

加油！

我想做回應!! To faifai:
第一, 我地拍左拖兩年幾, 感情穩定
第二, 我地兩個都成20歲ga la!! 唔係個d要成日見先叫拍拖ge couples!!!
第三, 我地平時都係1 week見1次!
第四, 你話識tum女仔ge都係花心, gum全世界d男朋友都花心ga la!!
第五, 如果佢而家愛唔愛我都唔重要, gum有咩係重要? 唔通佢而家唔愛我ga, 不過要講包容啊, 體諒啊個d??

2008-10-11 09:35:49 補充：
continue::
我提出呢個問題, 只係因為我唔習慣無佢洗身邊!! so... i am so sad!
佢去到個邊之後, actually已經做左好多野令我安心...
不過可能你唔係太了解我地ge condition. 不過你肯定ge野我就真係好唔肯定!
拍拖呢兩年幾黎, 我從來都無覺得唔安全過!
anyway,, thanks for your reply~=)

我都係異地戀,我好想答妳,我好明白妳既心情
不過睇到妳既問題我有2個問題
(1)妳地係咪好細個??
(2)妳係咪0係外國生活或者0係香港讀國際學校??

其實妳同佢有冇將來好大程度上在於妳同佢成唔成熟
睇妳同妳朋友講既野,同妳男朋友係咪真係考慮過妳
其實我覺得妳地並冇足夠既思維去面對異地戀
我覺得妳地分手既機會大個成功既機會
首先講個男仔先,佢同妳商量係出於同妳一齊計劃將來
定只係其實一早自己決定左,只係想講D說話安慰下妳?
異地戀係愛情終極既考驗,係最能夠體驗真愛既真偽
而真心相愛係要大家一齊計劃,而唔係先斬後奏
佢一定知道妳會反對,所以妳男朋友處事既態度係好重要
而佢氹唔氹妳跟本唔係重點,有邊個唔識咁做?
相反最識氹女仔既男仔,係花心而唔係內向既特徵
妳話妳D朋友叫妳唔好擔心,話佢點愛點愛妳
但係感情能唔能夠維持同佢目前愛唔愛妳無關
而係關乎於妳地2個識唔識得溝通/了解/體諒/接納對方
同埋妳地識唔識成熟咁去解決雙方個人同共同既問題
我睇得出妳好緬懷令妳覺得放心既說話
遺憾呢D都唔係決定愛情成敗既特徵
仲有一樣就係妳想因為佢內向(但同時識氹女仔)而唔會變心
咁係反影出妳對妳地既感情跟本豪無信心
對對方缺乏信任係唔可能會維持到任何感情
特別係困難重重既異地戀
如果佢外向就會多D機會自動識女仔
如果佢內向就會多D機會女仔主動識佢
只有永恆真愛同埋成熟思維先能夠維持異地戀
佢為妳做過幾多野都唔重要
只有佢會唔會永遠都不斷為妳付出先係關鍵

我諗我講左好多會令妳唔開心既野,不過呢D都係真既
記住互相信任係愛情特別係異地戀極度重要既關鍵
就好似我既另一半同埋我自己異地戀咁
我地任何一方都係被異性視為係最好最好既女仔同男仔
我地任何一方都係極受異性追求既對象
但係我地從來都冇對對方有半點既懷疑
其實最重要係妳要同佢好好溝通,唔好俾誤會出現
妳同佢唔只要做到所有既愛情理論(溝通/了解/體諒/接納/共同計劃....)
而且妳仲要做遠遠超過呢D
妳要有心理準備妳既情緒可能會經常處於開心同失落(冇中間)
但係妳唔好俾自己既情緒失控隨便發脾氣
有咩事唔好自己收埋,記住一定要坦承咁講出妳自己
仲有好多好多野跟本唔可以0係度一概而論(自己搵資料)
其實妳同佢可以幾個月就見一次已經好好
好多人好似我咁要成年先見到一次
但係始終我覺得妳地都係太唔成熟
我覺得呢一點先係最可能令妳地分開既原因
但係愛情並唔係計成功機會
妳愛一個人就唔係話想走就可以走人
反之,異地戀可以測得出妳同佢之間既係咪真愛
所以妳應該努力面對,大家好好傾任何問題
妳地應該定時見面,講自己所發生過既事,唔好將自己收埋收埋
而大家分開時妳要努力咁過返正常生活
佢一走左妳就成個病人咁係好唔健康既表現
同埋最重要係妳同佢要好好計劃將來
因為異地戀既最終目的都係由分開到到一齊生活

希望妳能夠好好參考下我既意見
有好多好難聽但係我一定要講出口既說話
希望妳檢討下,如果唔係妳會好難維持到異地戀
而我亦都好希望見到妳能夠成功同埋有幸福既感情生活
記住,真正既愛情係唔講求地域同妳所提到果D普通細節
無論去到宇宙既盡頭,去到無限既永遠
都永無止境咁存在既先至係真正既『愛情』
異地戀係真愛最好既考驗
而亦都只有真真正正既愛情先會承受得到異地戀既考驗

2008-10-11 04:22:42 補充：
仲有....妳同佢分開2地更加要好好照顧自己既情緒,唔好再喊啦.

2008-10-15 01:43:57 補充：
原來妳問黎就只係為左得到人既安慰,唔掛得咁擔心都只會出5分黎問啦.幻想多多又唔成熟連一D11,12歲既都比唔上,仲要咁激動大條道理咁發D小姐脾氣,連打字都打錯哂,不過我可以話俾妳聽妳既唔成熟,同埋小小事就發哂神經失哂理智咁,係會注定妳將來會遇到咩問題.妳依家只係咁小既測試就攪到神魂癲倒咁,可以想像妳將來既人生會變成點.人地結婚都唔可以話咩感情穩定,妳自我安慰而唔去清醒D檢討,將來點去應付感情生活同養兒育女.做好心教精妳等妳唔洗咁失敗反而仲要俾妳D無知婦儒亂咁鬧.

PS: 妳地廿幾歲係年齡,唔係智慧同成熟處事能力.其他既妳太激動唔值得我答.

你地可以continue ga......只要你同him 唔變心........可以play msn and web cam.........最小限度滿足自己...........

其實你真的中意佢的話..你就好應該俾d信心自己同俾信心佢..
與其擔心..你不如利用佢唔係度的時間黎充實下自己..keep住好心情..keep住好的體態...等佢返黎見到你唔同左令左都覺得高興...

你真係咁掛住佢的話.......

不如有時你都買張機票飛過去探下佢囉.....