如果去台灣自己一人去 唔跟團 有咩要辦理呢 教教我呀

如果係網上做簽證，其實可以響機場個辦事處拎都得 (HK$55)

hotel要留意睇下近唔近你想去果區，或者係近捷運站，如果唔近就行到隻狗咁架喇

交通方面，回程如果坐飛狗，要打去同佢地講，叫佢地去酒店接你去機場，連埋駁車要成個半鐘頭車程，平日下午5-6點會塞車，同埋佢地會兜埋其他酒店，要預多D時間。

台幣可以落機先唱，有兩間，唔好去臺灣銀行唱，因為另外一間個 rate高d...我啱啱去完(星期二先返香港)，兌到3.998，但係臺灣銀行就只係得3.996...反而返香港果程就只有臺灣銀行可以唱返港幣，個rate係4.125。

旅遊保險如果你有匯豐銀行，可以online買，hk$9x咋。

記得留意天氣，帶齊所需日用品，因為平gei酒店可能連毛巾都無架...

我剛剛去係買機票+酒店package，送來回程飛狗巴士券同溫泉券，伊豆果邊個溫泉區全部都係裸池，新北投果個溫泉就唔知，要留意呀！

我平玩四日三夜：機票+酒店+食+飲+手信=<$1.5k一日，希望你玩得開心啦。

2008-10-10 17:16:39 補充：
記得響機場拎地圖，唔可以靠晒一個地圖，因為果度好多細街，唔係個個地圖都顯示得咁清楚，我係自己買書一個地圖+機場拎台灣交通部出gei地圖+食肆印gei指示圖一齊對黎確認方向架。留意台灣機場拎果d地圖，上面有台灣旅遊協會個電話，好好用架，我book飛狗都係打去問佢地，因為唔知原來要自己打去book，平果d酒店唔會幫你手，我都係靠自己架咋...hehe...overall都玩得開心，記得買冰凍綠豆糕，我d同事個個都話好好味...我響港記買架...