✔ 最佳答案
哄已哄過了, 現在, 最重要的是不要讓她感到你倆的感情已改變, 以及自然.
你可以接她放工, 跟住話要同佢食飯, 要好自然咁, 佢同你講你的衰野, 你唔好答佢, 你可以話肚餓呀, 食左飯先講啦. 一次唔得, 你可以話, 咁得啦, 我今日同的friend食啦, 食完打俾你, 要好自然咁, 任佢講咩, 都唔好嬲, 唔好迫佢, 如果佢唔願意, 唔好迫佢, 要好似追佢果時咁, 又唔洗講對唔住喎, 總之唔好講件事, 有咩就閃人. 試多幾次, 你一定會成功.
食飯時, 你要講下你近來成功同開心既野, 例如同朋友去玩呀, 咩上司讚你呀果類野, 造一個成功既形象.
食飯後, 你話想睇戲, 如果佢唔去, 你要好自然咁問佢唔去咁做咩呀, 如果佢咩都唔想去, 你話好好睇嫁, 我想去喎, 佢唔肯, 你話送佢返去先, 跟住同的朋友去睇.
過程中, 佢可能會發脾氣, 罵你的衰野, 或者話你扮無野, 你最好唔講呢的, 轉話題, 如果佢一定要嘈既, 你就話. 大家靜下好唔好, 再來就我地一日未離婚, 你一日仲係我老婆. 係唔係好好地過都唔得呀. 跟住又當無事, 但如果佢要走, 你又拉佢唔住, 就由她走, 唔好理佢.. 過1-2天再等佢收工.
當你成功同佢睇戲, 你已經成功了一半了, 你可以試試拉拉她的手, 甚至吻她的面, 可能她會推開你, 你在適當的時機下, 可以再試, 或者講, 你係我老婆, 我錫唔得咩, 當然, 以不激嬲她為要.
當你成功後, 你好自然咁話返屋企囉, 佢一定話唔好, 你要拉住佢, 好溫柔咁迫佢返, 如果佢唔返, 同佢坐公園, 死都唔走, 話好掛住佢, 拉下佢, 錫下佢. 夜左佢都累時, 佢會肯的. 呢個時候, 佢可能會係咁話你, 你就扮死狗, 咩都話好, 咩都話唔敢啦, 無下次啦, 你就可以搵返個老婆返來啦.
點解係咁? 女人是不喜歡那些死跟又煩的男人的, 你係咁哄, 只會比機會佢say no. 想下當年點追佢. 表現返當年既自信同自然. 錯已經錯了, 點講你都錯, 不如唔好講, 唔講佢講多幾講就會唔想講, 無人喜歡嘈的, 只要你表現好, 一日未離婚, 一日你都係佢老公, 同佢一齊是理所當然的, 你跟住做, 我知你會成功的, 過程中, 如有問題, 你可以用MSN 問我,
[email protected], 得左!
2008-10-11 03:44:40 補充:
如果你知道佢同事真係追佢, 佢又受既, 你要罵佢幾句, 等佢都知自己有錯, 你要日日等佢, 等佢唔可以一齊.
你老婆話做朋友, 代表佢知你緊張佢, 有咩都仲有你幫佢, 又可以唔俾你打, 有咩又可以搵你, 有咩唔好呢, 其實, 佢會怕你唔理佢的. 你要同佢講, 你一定要做我老婆, 你一生都係我老婆, 我唔可以接受同你做朋友, 唔好俾條後路佢, 除非你想同佢做朋友.
2008-10-18 10:44:00 補充:
佢肯等你改 = 你改左佢會返來. 呢條等式, 好易搞姐.
首先, 你要做曬佢叫你改既野, 記住, 係所有既野, 特別是唔好搵其他女仔, 唔好只掛住做野唔理佢, 要盡時返屋企等等. 因為只要有一件小事令佢覺得不滿, 你就前功盡廢了. 呢段時間係佢惡曬既. 有咩都要忍, 一的脾氣都唔可以有, 要溫柔, 佢話一就係一, 無二更加無三, 可能會好難頂, 但你一定要頂.
只要多的陪佢, 同佢食飯, 緊密的來往, 唔好俾佢諗咁多野, 唔好比人追佢, 更加為防止一的講你壞話既人同佢傾計. 呢個好重要.
2008-10-18 10:44:08 補充:
用幾天至一星期既時間, 去令到大家既關係正常化, 跟住用你既追女仔技巧, 例如, 買的好貴既野俾佢, 同佢上山頂食飯加送花. 去迪斯尼玩, 去大嶼山渡2日假. 去海洋公園哈佬喂, 甚至同佢去旅行, 你做得佢老公, 知佢鐘意的咩嫁啦. 成功既話佢會好lum 你, 加多幾句甜言密語例如, 老婆, 你近來唔係我身邊, 我日日都好掛住你呀, 我咩都做得唔好, 原來你幫左我好多野, 我無左你唔得嫁... 果的啦. 點嫁啦, 俾的心機, 當追女仔咁, 成功機會有9成以上呀.
p.s. 可否講出你用左咩方法呀, 佢反應點呢, 大家參考下啦, 大家都有機會激嬲女婆嫁.