D90 with Kit set AF-S DX NIKKOR 18-105mm or Tamron17-50 A16

其實邊樣好要睇你攝影習慣同影甚麼題材多.
Kit lens係18-105mm f3.5-5.6 VR.焦距好用,但光圈細,不過又有翻防震.
A16NII焦距短啲,但有恆定大光圈.
焦距方面我覺得一般影相其實A16NII都夠用.真係要長的話另外配支長鏡仲好.
淨翻就係要防手震定大光圈.
大光圈好處就係可以增加快門速度,一拼解決手震同埋涷結動作的問題,防手震就淨係可以防手震,咁睇好似大光圈好啲.但要睇深一層,A16NII最大光圈是f2.8,去到50mm,假設18-105mm 去到50mm時光圈變細到f4.比f2.8細了一級,但佢有3級防震,單單從防手震效果來講其實反贏兩級.另外大光圈有景深變淺的問題.淺景深人像係幾特別,但當你發覺因為低光而一定要淺就會係問題.尤其是近攝例如影下碟餸,影下人像大頭等就會發覺成日有唔夠景深的問題.
你會唔會經常要影低光動態呢?會的話A16NII比較好,冇防手震都冇辦法.你會唔會成日腳架跟身呢?會的話都係A16NII比較好,因為腳架可以防震,但我見得最多既人係人地話大光圈可以防埋人地震佢就買咗大光圈,影親相都係f2.8,見嘢就影,淨係按快門,乜都唔駛諗.但係其實佢影來影去都係一啲風景靜物同埋大家擺pose然後笑的紀念相,跟本就係防震作用多過大光圈,至於你自己係影甚麼多要你自己先知喇.

針無兩頭利,世上任何一樣產品都無可能全能. 要作出取捨,就要了解到你的需要. 你都無講你的需要,試問別人如何給你建議呢? 其實攝影器材是死的,人是生的,想太多不如買一支合budget的,慢慢練吧....