現時情況業主應該賣樓還是租比人呢?

根據本人多年經驗，除非您肯劈價兩成，超低於市價，否則賣唔出。根據曾教授及滙豐主席葛霖的預測---到2011年股市才真正走谷底，開始進入牛市一期，即股市到2011年才升。如果樓市和股市走勢相近，即有排跌跌跌！！！
劈價兩成在心理上是很難受，本人在過往1997年不肯劈價，個層樓連續賣三年，都無人睇樓，直至2000年肯大劈價，才獲成交。如果本人早在1997年肯劈價，我會賺多好多錢$$$$$$！當人人尚未肯大劈價，您劈先，事後睇返，就知是對。
有另一問題，您是要供樓，還是已供斷或一筆過買入？當中包括很大學問。如果供7成，樓價突勁跌，超過3成，銀行可能追差價，變成資本抵債，負資產年代又來了。如果打工來供樓，一旦裁員潮又來，不幸接大信封，怎供樓？以前政府不幫業主(苦主)，將來都不要有期望。97年亞洲金融風暴導致通街負資產，您記得嗎？我有朋友因買樓而導致破產呢！
如果已供斷或一筆過買入，又另一想法，租出去原則上唔怕，但要非常十分小心選租客。如果租給租霸，會無租收，甚至破壞間屋，要大裝修。如果租給生意人，有朋友試過，生意人的生意一旦失敗，無租收。最怕租客不開心，玩空中飛人或家中燒嘢食、、、到時變成凶宇。因此，一旦租客不交租，不要惡對租客，要幫他們心理輔導，只要和平交樓，感激萬分。我有些朋友租樓給空姐、機師、外籍大學講師，收租很穏定。租到什麼客要看樓的級數(豪宇或中價或入門級)、地點。還有租約要定明傢電壞了，維修費用誰負責。三,四年樓價會否再低於現在呢?估計會。如果自己是100%業主，租出幾年，三、四年後又賣唔出，最多結婚都勉強住下來。如果供樓，一日債未還清，真正業主是銀行。
其實，除了這層樓，您有無地方住？與父母同住是個不錯的選擇。
樓宇最好作為自主之用，投資是很難脫手的。

2008-10-10 23:33:49 補充：
本人理解，根據供樓協議，如果供緊樓，要得到銀行同意，才可租出。原則上不可以租出。

如果你唔等錢用，便放租出去先。３、４年之後無人答到你，上次金融風暴都捱左５年，之後接住沙士，所以聽天由命吧！

而家個市跌得咁勁, 想賣都賣唔到好價啦, 不如租住出去先好過啦

租出去先, 賣唔到價的!