有無人做過 亞洲聯合速遞

說真的，如果是ＵＣ內的「禾源速遞」的接線生，真的不做也擺！

因為ＵＣ是由幾間中小型速遞公司合併而成的，但合併後仍是各自請人（客戶服務員，ＣＳ）去服待各自的客仔，避免他日拆夥時Ｄ客戶「分得不平均」。

而「禾源Ex」是由「精英（TopGum）Ex」分拆出來的，不過拆出來之後，公司內部超級混亂，唔夠人手之餘，請回來的新人又沒有人教（只教你１日咁大把囉）。Ｄ客投訴個柯打幾日都未能完成，問番個速遞，居然答你：「我日日都係做到５點便回公司！」（但間公司收６點喎！！）「關我鬼事！」

ＵＣ的大老闆莫生（聽講）都幾好人，不過禾源的李生份人超衰，一開口就鬧人，仲要爆粗那隻。當年禾源大老闆嚴生，就係頂唔順李生，結果退股，攪到禾源谷住被ＵＣ收購；因為嚴生主攻內地市場，香港的運作全交給李生。

仲有禾源從來唔供強積金架！雖然係有扣數，一味同你講有供，但連開戶證明信都無，問會計陳小姐，佢仲話匯豐銀行強種金係咁耐啊！半年都未開到個強積金戶口，正常喎！我激氣去匯豐銀行問，之後同積金局投訴佢！總之你返工時問清楚，係邊間出糧俾你先！

2008-10-14 11:29:44 補充：
根據勞工處的指引，你返工超過２小時就已經要出糧俾你。你應該無同佢簽僱傭合約的（這一行除了MPC Experess之外，其他非上市速遞公司都不會跟你簽僱傭合約），口同鼻拗，唔駛理佢，直接去勞工處告佢；他被人告得多，勞工處就唔會接受他們在勞工處登記請人。

2008-10-14 11:32:01 補充：
我以前是當速遞員的，試過２次被不同的速遞公司調我入內部做，每次唔夠３個月就被人彈返出來；無他的，自己知自己事，我都唔喜歡做內部（人事超複雜，老闆性格有問題），學歷高又點喎！出左街都不知幾自在。

我想申請

我沒做過, 不過公司之前用聯盟速遞
那個阿姐做了一段時間後來轉了去亞洲聯合速遞
我公司因為跟這個阿姐熟, 現在也用了亞洲聯合速遞
根據阿姐轉述, 現在這一份好做好多
因為人手比較多, 跑少很多地方