幫下我...我唔知點算好...(15點!!!!)

✔ 最佳答案

其實都有幾個問題想問清楚一d：
1) 你話自從sms之後，日日由早傾到晚，係唔係即係傾電話呢？你話琴日佢表白，係唔係即係用電話表白呢？
2) 即係你地平日在學校面對面，會裝唔認識？你地從來都無面對面對話或者相處過？
3) 他點樣知道你的電話號碼？你們有共同的朋友？
4) 你們係唔係唔想比學校的人知道你們兩個人有來往？

其實就算係日日傾電話，始終見到面，兩個人都有意思的話，會embrrass 其實都好正常，特別係第一次拍拖，就一定更加緊張，你唔需要覺得困擾既。不過，如果只係傾電話，無實際交往的話，係唔係真係喜歡對方呢？係唔係相處得來呢？呢d野都係未知之數，而且無正常的交往就更加唔可以算係拍緊拖啦，只係神交ja，如果真係喜歡對方的話，應該係好想無時無刻見面先係架。不過可能你地兩個都係害羞型的人，所以先會咁啦。其實如果他知道你的電話號碼，即係可能有共同的朋友啦，咁可以假期或者放學後約埋成班一齊食下野，打下波，唱下k之類，起碼多d人，壯下膽嘛，你唔好一開始就想著互相鐘意，咪當普通成班friend出街咁囉。如果你係人多重怕醜的話，咁就約他放學之後一齊返屋企囉(如果係順路的話)，在架車度可以講下今日學校發生的事，都可以傾得好開心。驚被學校的人發現的話，就可以假日或者假期，兩個人一齊食下野，打下波，去圖書館又得，去漫畫店又得，總之就有d野一齊做，然後就以做那樣野為話題，咁就自然好多啦。你驚的話，就在電話度同他講我星期六打算去邊去邊喎，你去唔去呀，咁他正常來講都會識做架啦。

其實我同我老公都係在網上認識，然後傾電話，再相約見面，第一次見面都係借大時大節為名，以始為話題ja，之後見面就講下互相的生活囉，好似平日傾電話咁，再續未完的話題囉，其實日日傾電話的話題，就係見面講的話題啦，你就當係新識朋友咁傾就得啦，放輕鬆一點，可以問下他學校的野啦，講下d同學或者老師都係共同的話題。唔好咁緊張，兩個喜歡的人相處，應該係好輕鬆愉快至係架嘛！！

幫下我...我唔知點算好...(15點!!!!)

回答 (2)