好唔開心因經濟而分手, 請入黎打求我啦啦!!!!!

通常因為經濟問題而分手的人，都會係因為財政困難，心情唔好，搞到成日為d無聊野或者係用錢的問題吵架，無話咩野因為股市震盪我養唔起你咁既事架喎，而且因為唔清楚你們兩個人之前有無話發生咩野事，所以引致呢封分手信的出現，不過我想要回信，就先要知道他覺得的問題係d咩野，因為經濟絕對唔係分手的原因，只係導火線，就封信的內容，我發覺有幾個問題：

1) 「我無心情睇戲…全球金融股市愈趨劇烈的震盪，我的財產都可能有問題」言下的意，會唔會係責你只係成日掛住玩掛住睇戲，現在股市大跌，他的經濟有問題，但你都無關心過他的狀況，只係日日掛住玩樂呢？定係他有經濟問題，你都根本唔知道呢？

2) 「我無能力照顧其他人」，係唔係即係怪你要他大量的財政照顧呢？你會唔會平日同他一齊的時候，都會隨意大花特花，又叫人送野，又專去食貴野咁呢？？你係唔係一個財政獨立的人呢？定係他誤會左你呢？

3) 「你有其他男朋友，不如找他們陪你去街」，係唔係你身邊有好多男性朋友/追求者團團轉，他誤會左你對你們倆的關係唔認真呢？定係你真係好好多其他男朋友，他只係其中一個呢？他係唔係覺得你同他一齊都只係為左有人陪行街呢？還是你地一齊的活動真係只係行街、睇戲、食飯，無其他野做？

我覺得一個男人用寫信的方式提出分手，原因一係就係個人無自信，唔敢當面同你講；一係就係講一大堆唔係真正的原因，等你無得即時反應，所以回信都只係浪費時間，你可以在心裡面回答我以上的問題，正視一下到底兩個人之間發生左咩野事，再相約一齊坐底面對面傾清楚重好過回信，用口講出來，看到對方的反應，先係真實，你要問人先識得寫表達d強而有力的愛意的信，即係根本唔係你的真正感受。文字用得唔好，就用口講啦。總之，經濟永遠唔係分手的真正原因，大把夫婦，面對著金融風暴，生意失敗，都係手牽手渡過的啦。希望你們搞清楚真正問題所在啦，祝你們幸福。

呢一刻你可能好愛佢好想同佢一齊你可能諗緊點回信得強而有力表示你愛佢
但係你都要諗下現實....佢件事大唔大,你肯唔肯同佢一齊渡過,你能力可唔可以同佢一齊渡過,仲有...佢肯唔肯同你一齊渡過,解唔解決到,點解決件事......仲有你係時侯睇清楚佢o既為人(係唔係玩股票玩到中晒毒果種人)......佢問你借錢o甘你會點,佢會唔會呃你....仲有,有人以前同經濟上有困難o既男人一齊,輸左感情,輸埋錢,結果...被傷害到好慘...
lee個係你愛唔愛你自己問題

你不如畀d時間自己清醒下諗清楚
隨便佢又可以解決佢自己o既事先


佢都識講佢財產都可能有問題啦
佢宜家邊有心情同你拍拖
你宜家叫佢同你一齊可能你覺得自己好偉大
但佢角度呢講可能係自私
佢唔同你行街唔同你睇戲唔同你唱k唔同你食飯唔買禮物畀你唔買野畀你,你得唔得?
如果你佢一齊,佢o甘情況,可能要狂搵狂搵錢,佢唔理你又唔好意思,唔同你出去玩又唔好意思,想理你又未必得閒,又怕你唔開心...咪仲辛苦佢
有愛情都要用錢ga ma...
你估真係情飲水飽咩

2008-10-13 16:01:55 補充：
又或者可能樓上o甘分析,佢係因為發現大家唔係咁適合大家, 所以想找個借口推開你....
o甘要睇下佢對你咩態度
佢有無時常唔覆電話?
佢有無突然間唔搵你?(例如突然消失1-3星期?)
佢有無好小約你?
佢有無愈來愈少打電話畀你?
佢有無係街唔肯拖手?
佢有無肯係別人面前唔認你做女朋友?
佢有無好小同你一齊行出街?
如果以上有好多個係o既話
o甘佢多數都係唔想同你一齊la...又或者佢有左第個...又或者2樣都係
如果o甘o既情況你要同佢一齊
佢又真係同你一齊,佢唔愛你
o甘你就好有可能好有可能畀佢傷害到十分深(例如慘變吹氣公仔/被利用)...

我都係男人, 好明白佢諗乜, 佢想避開你主要原因未必係因為錢,
我估你同佢係埋一齊唔會好耐, 我估3-8個月左右......
我覺得佢係因為發現大家唔係咁適合大家, 所以想找個借口推開你....

或者,你也要諗清楚, 係咪咁值得同佢一齊,
而你地大家又係咪適合大家呢??

佢咁做即係等於話妳比佢D錢更加唔重要,佢零願唔要妳都唔可以唔睇住佢D錢!!!!簡單D黎講妳只係佢既附屬品,如果係真正既愛情就會諗大家點去一齊計劃渡過難關,人地破產都唔可以話走就走咁不負責任啦!!

所以如果我係妳我就會把握呢個機會走人.

2008-10-10 01:54:10 補充：
不過我都明白妳心情既,如果妳真係好想挽留,妳都只可以寫果D野,叫佢諗清楚唔好咁隨便,講出妳對佢言論既感受,話俾佢聽妳對愛情既期望,同埋希望妳自己可以同佢一齊面對生活既任何問題.話俾佢聽就係因為有危機,所以佢要更加理性,唔好小小問題就要傷害女方隨意拋棄感情,而妳係希望無論發生咩事妳都會0係佢身邊支持佢.話俾佢聽佢咁樣係極之唔成熟既表現,就好似做人父母都唔可以有問題就唔要自己既小朋友一樣.

你男朋友係咪好大男仔?
其實佢可能係一時接受唔到金融股市震盪
心情低落!呢個時候係做女朋友最重要既時刻
佢話:無能力照顧其他人!
呢個係回信要針對既問題 !!
你要用平常心去回信!千萬唔好同佢一樣咁低落!!!!!

例如:全球金融股市愈趨劇烈的震盪,卻震不走我對你的愛!
你要比佢知道,即使佢係咩時候,你都會係佢身邊支持佢!

例如:亦境終有一天會過去!我可以與你一齊面對 ..多辛苦也跟你走下去
都係果句你要比佢知道,即使佢係咩時候,你都會係佢身邊支持佢!
你個心只係會有佢一個!
仲有比佢知道你係愛既佢,唔係愛佢既財產

之後你要照顧好自己! 唔好比佢擔心
最好要慳$$ ,等人佢知道有個女人可以幫佢打理所有既

最後你可以錄呢首歌比佢!

分分鐘需要你

願我會火箭，帶你到天空去，在太空中兩人住，

活到一千歲，都一般心醉，有你在身邊多樂趣。

共你雙雙對，好得戚好得意，地天崩當閒事，

就算翻風雨，只需睇到你，似見陽光千萬里。



有了你開心o的，也都稱心滿意，咸魚白菜也好好味，

我與你永共聚，分分鐘需要你，你似是陽光空氣。

扮靚o的皆因你，癲癲o地皆因你，為你甘心作傻事，

扮o下猩猩叫，睇到也都笑，有你在身邊多樂趣。



若有朝失左你，花開都不美，願到荒島去長住，

做個假的你，天天都相對，對木頭公仔做戲。

有了你開心o的，也都稱心滿意，咸魚白菜也好好味，

我與你永共聚，分分鐘需要你，你似是陽光空氣

你和他行了多久, 如果不長時間的話, 他便說大話了不直得你和他一起. 這句說話有問題 : "你有其他男朋友，不如找他們陪你去街。" 從這句說話便知道他只是當你係朋友不是女朋友, 怕拖不一定要用錢, 可以在對方家中吃飯, 看電影, 不一定要用錢, 你是女人, 我教你, 做女人一定要尋找一個佢愛你多過自己愛佢的男人, 在別人眼中你自己才幸福. 所以不一定要你愛佢, 他原為你做任何事就等於你在他心木中佔第一位已經好好啦
做女人一定要做個幸福的女人, 要簡一個有學識, 有一份好工, 就唔會有經濟問題發生
千其不好換轉身份呀!

我祝你幸福!

你男友有什麼平或免費的消遣?你要讓他知道你都可以好節儉。在這個時記得關心他,但又不要太煩......是有點難度,可共患難才是好夫妻。