老舊汽車好dun

其實薄呔一般是用於比賽或跑車，因為行車轉彎時厚o既呔會令車身o既傾側程度增加 ( 厚呔受壓壓扁程度高於薄呔 )，所以比賽或跑車就會轉用薄呔去克服車呔對地面的受壓程度，從而使轉彎速度增高。但薄呔由於吸收震動較厚呔為差，所以會令行車好 dun ，而你加左避震膠係彈弓上面，即縮短左彈弓o既行程，彈弓o既作用是用作支撐車身和吸收行車時由路面傳送的震盪，加了避震膠，即減小彈弓吸收路面的震盪力，如果轉用埋硬避震同硬彈弓，你想個肺唔甩都幾難添。所以兩者加埋你架車就會好 dun ，我建議你先把避震膠拆去再作決定，因為換厚呔就要換埋軨，真係一闊三大。

至於唔知點解左前輪行車時有即即聲，好似蟀叫咁，轉彎就冇直路就有，應該同懸掛出現問題有關，因為車呔磨擦到沙板多是轉彎時出現在受壓的那一邊，你最好檢查一下避震機、懸掛杯士、或引擎下的四方架杯士有否損耗令虛位過大而磨擦到其他地方發出響聲。

323配16吋ling，好像是大了些少，標準應是14吋ling，如改用薄跑軑才可改用15吋ling。所以該部323之車轆應是大了些少，所以看來不是避震問題。直路時蟀叫聲極可能是頭轆磨擦到沙板。