我想現在讀Excel班！！！

你就當我賣廣告.
我依家都讀緊工聯會既Excel高階課程, 設備同教授水準我覺得都可以. 之前網上搵過吓, 但係好似唔係太多選擇.

如果你唔係太熟悉Excel操作, 建議你讀[ 8182 ] Excel 試算表全面應用證書班, 因為讀完有個test, 有張證書俾返你, 對你將來搵工可能都有d幫助.

但係要星期日上堂就要到11月9日先開班, 而且仲要去到香港區, 不過有心讀都唔差在爭多一頭半個月.

最緊要價錢又唔算好貴, 12堂, 每堂3個鐘, 都係收1620, 圍起上嚟都係$45/hr, 講真私人教授真係唔建議啦, 就算收你$120都唔算係高, 因為唔同幫人補中英數, 長做長有.

總括嚟講, 呢個課程應該可以俾到好多啓發同概念俾你, 知道Excel大概可以做到d乜嘢, 但係最終都係要靠你多d練習, 如果學到7, 8成我相信已經算係中上水平(我以一個會計業既身份嚟睇)

題外話, 呢排都幾瘋狂咁學excel, 經常咁上討論區留意有關excel既提問, 睇吓自己識唔識之餘, 有會留意人哋點作答, 就係咁不斷諗, 不斷試, 我覺得都學到好多嘢, 其實講到尾最終都要靠自己. 希望日後多d係討論區撞到你啦! ^^

2008-10-12 23:25:48 補充：
http://www.hkftustsc.org/stsc12.htm
以上既網址係有關工聯會既上課中心資料, 任何一個中心, 只要冇註明不辦理報名手續, 都可以去報名上堂.
報名前你可以考慮做埋工會會員, (視乎你公司係邊行, 佢就會幫你入合適既工會), 都係幾拾蚊一年會費, 但係學費有會有9折優惠!!

工聯會有大量課程，地點時間任擇，唔係賣廣告。