經過二至三小時劇烈運動就感到胸口氣悶

你其實唔洗咁擔心, 我見你仔仔既訓練都好有計劃, 問題應該唔係訓練過量。

問題應該係細路仔玩到做完無氧運動之後唔識回氣, 個人又攰, 即刻坐低/訓低, 令到心臟同胸肺負擔過大, 有疲勞現象。 通常係會得 "度氣"上到 "雞心" 就頂住頂住, 但訓醒覺之後又無咩事咁。 但其實咁樣都幾傷身, 長期都係咁既話會引致心衰竭。

建議仔仔應該o係劇烈運動後, 唔好即刻停低!
應該慢慢收步放鬆, 直到覺得呼吸暢順先停低。(仲要千其唔好訓低!)

*
1.其實o係生物學上, 個肺的確唔識郁... 郁既係胸膛(成個rib cage)同橫隔膜。
2.劇烈運動普遍會引致頭暈 (缺氧, 缺糖), 肌肉痛, 橫隔膜痛 之類。
運動後"吸引困難"通常係因為超負荷無氧運動同 缺乏冷卻運動( cool down)。
3.打籃球一定要買籃球鞋, 唔係好易拗柴。
4.田徑都需要適當既鞋, 長短跑唔同, "訓練鞋"比 "比賽鞋"更重要。
5.仔仔自己識自己保護自己, 中一已經唔細, 玩運動都應該認真。

如果不是經常有此現象的話，請看查當日的空氣污染指數、悶熱指數和濕度，如果不是低的話，那小朋友就相信毋須擔心。

應該話個細路先得十二歲人仔
要人一練就練足兩三個鐘會
唔會過份左d…
大人都唔得啦何況係啱啱發育既後生

基本上依個情況好有可能同突然加大訓練強度有關
如果佢中學之前冇練開咁多
而家突然間練咁多棧捉蟲
有咁既情況都可以話係必然

我唔知佢一星期有幾多次咁樣既訓練
不過如果佢唔想唔玩係都要玩
就唯有叫佢自己小心d
有事絕對唔可以死頂要出聲

平時熱身要認真d做唔好求其做下就算
做到有15分鐘以上可以令個身體適應d
亦都可以減少運動個陣受傷
練完之後亦都要做番15分鐘熱身咁既動作做cool down
操熱左個身突然間停低會好傷
亦都更容易出現你囝囝所講氣頂既情況

你同佢講
玩可以有好多年玩但係命就得一條架咋
唔好以為自己好後生死頂就好有型
頂唔順唔玩就好樣衰
萬一真係頂唔順出左事要上報紙就仲樣衰
一d都唔好玩

如果佢之前冇練咁多但係而家練多左
佢既做法就只有係是但玩少一樣
其中一樣可以玩校隊但另外一樣參加下就好
專心玩一樣既成就會好過一心兩意玩兩樣
自己亦都冇扯得咁辛苦

如果有需要適應可以慢慢咁加番個運動量
平時除左訓練日可以各加每日半個鐘既運動
不過要小心唔好操得勁得滯
一星期最好安排番一日係唔玩唔操可以比個身體休息下

特別係唔好跑咁多會傷膝關節
關節磨損左就會好似老人家咁行兩步都痛
某程度上依d徵狀係身體超負荷既反應
個身體同佢講要抖抖先
唔聽話就會出事

最後就係唔可以排除依d情況
係真係有可能同內在既問題有關
年中都有幾個學生上上下體育堂就唔得
依d好多都係未發現到個心跳係有d問題
如果小朋友以前或本身有哮喘或者心既問題就更加要注意
好擔心既話亦都不妨帶佢去睇睇醫生

我都試過咁既情況..我諗應該係
佢運動既時候用口黎抖氣...
運動得耐就導致佢咁既情況