HK工廠的貨要進出口,算是”出入口貿易”嗎？

工廠唔等如出口商.工廠只係一個生產產品既地方.
不論係來料加工工廠~成品或半製成品工廠.
佢未必有出口海外.或銷售既能力

出口商係指商人對海外銷售某一d產品.經由香港出口到海外
果一件產品.唔一定係由佢自己生產.生產既地方可以係香港.可以係國內.
商人可以選擇有生產產品能力既工廠買貨.再由佢自己銷售同出口.
(當然商人都可以自建設工廠黎生產啦)

你所講既 { 因為出入口貿易容易受外在環境因素影響,匯率會大幅波動而令出入口商大失預算,風危好大. 所以人寧願開餐廳／商店, 都唔開新工廠}
其實講得好籠統. 唔係香港設廠其實最大原因只有一個.就係香港生產成本貴.
地少.所以地租貴,人少就當然人工貴啦.
其實除左成本貴之外.香港生產環境只會比國內優勝.除左品質水平之外.就算你提到既匯率波動影響都會因為港元同美元掛"out",影響亦會比國內細.外國對香港出口既貨物項目同數量限制亦比國內少.

其實目前都仲有少數工廠係香港運作緊的.

001仁兄回答得好全面, 有一點想補充的,
制造商開工廠, 申請商業登記牌照時, 如同時註冊成為 ~ MANUFACTURER, EXPORTER & IMPORTER, 該工廠有原料及成品進出口, 都算是"進出口商" 一份子.