驅風油用後的感覺一問

驅風油個d係揮發油
成份通常係冬青油
另外有薄荷腦同薄荷油

佢地清涼既原理
係同火酒抹上身涼既原理差唔多
因為依d油可以經人體體溫揮發
揮發時連同皮膚表面既熱力帶走
依個係佢地清涼既其中一個原因

其次就係依d油既化學成份可以持久咁刺激感受器
所以佢地既清涼效果比火酒持久好多
而加左薄荷既飲品飲落肚都會清涼亦都係依個原因

最後係會唔會冷病既問題
其實有關感冒同受寒既關係
好耐之前已經有人做過研究
搵人去淋水之後吹風
結果證明所謂既受涼其實唔會增加患病既風險

所以沖凍水涼甚至好似你咁用驅風油沖涼
都冇咩跟據話一定會冷病
所謂既冷病其實因為天氣改變令到人勞累同唔習慣
抵抗力下降所造成
單純既冷係唔會令人病既
冬天多感冒都係因為d人屈響一個地方空氣唔流通所引起

你好，我推薦你一個關于保健常識的網站，他包括數百篇關于日常生活保健養生的文章。

http://www.keephealth.info/

希望對你有參考價值！