✔ 最佳答案
其實並唔係你既化妝/遮瑕膏問題，只係你既皮膚屬於混合性肌膚
我以前都同你一樣，爆易鼻出油，上妝無幾耐就出架啦
猛吸又唔係，唔通每隔一個鐘又補一次妝咩，所以好困擾
之後我發現有個方法都幾work，處於30幾度下都可以3-4個鐘唔出油
就係搽妝前控油，我依家用緊有隻都幾好
佢即使幫你控油都好，佢唔會阻失毛孔，令致生暗瘡
因為佢依個牌子係專為暗瘡皮膚而設
所以用左佢地既化妝品都唔驚會生暗瘡
ettusais美白防曬妝前底霜EX (水份防乾)
http://www.ettusais.com.hk/tc_chi/store/store2.php?&product_cat=5&product=221
搽完base之後用佢就得，之後先遮瑕
網站內亦有分店地址，你可以睇下
其實如果你咁易出油既話，建議應該用控油型base 粉餅
用粉餅既控油力比較好，同埋粉底液係好貼面既
加上之後既粉底液混埋一齊，會好易生暗瘡架
同埋粉底液吸上油後妝大多都會暗沉左
但係粉餅就唔同啦，佢係你既皮膚表面
同埋佢既粉末會幫你吸油，延遲你出油既時間
但係你都要注要粉餅會唔會吸油後暗沉
有幾多粉餅都會吸油後粉末會變色
我有一隻粉餅幾好架，無論你點出油都好面都唔會暗沉
同埋防水力超好，點出汗都好都唔會溶粉
Lancome 輕透紗無瑕UV粉餅 升級版 約$380 (夏天用)
http://www.lancome.com.tw/_zh/_tw/catalog/product.aspx?prdcode=Y10473&categorycode=AXEMakeup^F1_Complexion^F2_Com_CompactCounceal^F3_Com_Com_Normal&vname=name&
普通lancome專櫃就有架啦
但係踏入秋冬天啦，你應該用d比較保濕型既粉餅
我依家用緊個隻都唔錯，佢即使保濕，但又做到控油
Paul and Joe 保濕型粉底霜 $350
http://www.paul-joe-beaute.com/en/seasonal/base.html
旺角朗豪坊、葵芳新都會、九龍灣mega box、九龍塘又一城有counter
其實關於你印油時一達達既問題
我有一個建議，以我既經驗黎講
其實當你化妝時，越多油既地方應該上越少粉
唔係好厚粉既話反而出油時會一達達粉
反而薄粉出少少油既話，妝感會更自然
你上妝前上控油就OK架啦，唔洗厚粉
如果要補妝要吸油既話
應該用乾淨海綿輕輕推走油粉/面油紙輕印油/紙巾輕印油
之後再補上遮瑕同少少粉餅就得
希望以上既建議可以幫到你啦！
(請注意：絕唔係賣廣告)
