在香港，人去了世，在法律上，有什麼要做?

1. 涉及政府的手續很簡單, 首先是醫院跟你們埋單計數, 然後轉遺體去殮房, 當你們安排好一切(這部份下面再說), 從殮房領取遺體, 排期火化(假設你們火化), 領骨灰, 申請死亡証, 這些費用有限
2. 最煩的莫過於大酒店守夜的安排, 費用可大可小, 程序可煩可簡, 視乎先人的宗教及你們的習俗, 如果用道教儀式, 會煩死, 費用最貴, 佛教次之, 基督教及天主教好簡單, 花費亦最少, 儀式要與教會商量, 回教我唔識
3. 費用最大的兩項是靈堂租金及棺木, 兩樣都可大可少, 大酒店的房間視乎需要而定, 如果先人的人面廣或宗族人多, 要訂大的靈堂, 反之如果來的人不多, 大房間會顯得靈前冷落, 兩種情況都不好, 棺木可平可貴, 如果親人不介意, 幾千元都可以有一個, 反正轉頭就燒掉, 講究的, 要有睇頭的, 可以貴至五萬起, 十幾萬都有
4. 靈堂守夜大約至晚上十時要走, 第二天早上要上山, 即去火化, 之後落山, 飲解穢酒(食飯), 整個過程結束
5. 以上的繁文縟節現在有專業的服務公司代勞, 宜先打定價, 在殮房找生意的通常開天殺價, 如果不是鋪張浪費, 一般五萬可以落樓, 如果沒有可靠的服務公司, 可以直接找大酒店安排, 他們一樣有一條龍服務
6. 最後是骨灰安奉的問題, 可樣可平可貴, 華人永遠墳場的普通位只售兩千四百元, 家族位二萬一千元(可安奉4位先人), 寶福山可以貴到過十萬元, 如果不火化, 要買地就更加貴啦

可以去揾殯儀館的AGENT格價, 他們會代辦一齊手續, 包括, 取死亡証, 訂火葬場, 選日子等等. 基本都不用你們親身去辦的, 你朋友就要揾地方安葬骨灰就OK!
前幾個月我父親經寶褔山辦事，ＯＫ喎，　加上我地一早已係寶褔山買了骨灰位，　就方便，　完全是一條龍服務，價錢又有折，真估唔到仲平過出面！　唔洗三萬全部包晒！係用大廰Ｏ架！　由頭跟到尾，　總算無失禮我父親的最後一程囉！　屋企人都認為ＯＫ！　我好明白你朋友心情！　若果你揾唔到平，　我都可以介紹給你朋友的，　這些事最重係實際！　做足就夠，　唔洗做到好大的！　　（唔好誤會，　我唔係寶褔山的人）

2008-10-12 16:46:25 補充：
我上年係寶褔山買一個位約＄３３８００！

先去辦死亡証
取了去找殯儀館
再拿死亡証去排骨灰或者土地
到時候領回骨灰