0410 vs 0939

410 現持有很多現金，係唔死得既，不過依家國內房地產是嚴冬，佢要到個市跌到最底先買項目，發展一個地產項目又起碼兩三年，佢手上的項目亦不多，所以此股唔死亦唔會好快生，守幾年起碼．溝左都係等，所以唔溝好過．

939係好野，幾時溝我又唔識講，如果你手上的貨不多可以溝，但分散投資是重要的，不要放重藥在一隻身上．內銀股幾隻都不錯，亦可考慮１３９８．內銀股其實可以超長期持有，在市場最恐慌那日小注買入，慢慢儲存．

放咗佢啦,依家唔好買住.

你冇睇股爺個Blog嗎?
股爺話:股爺建議還是暫且「冬眠」等危機紓緩，才入市博反彈。

之前我響3毫2入咗隻689,死衰格一買到就係咁跌,唔夠一個月就比佢跌到2毫半都冇.個Friend比咗個網址我,叫我問下股爺.股爺話要放咗佢.跌咗咁多我又唔係咁捨得,諗住睇多幾天先.點知隻衰嘢一路跌唔停,卒之響2毫鬆D賣咗,隻衰嘢認真衰格,好似同你玩針對咁,我啱賣完,第日佢就連升兩天(不過都係升得雞碎),我以為賣錯咗.不過之後就繼續跌,仲跌得好金,仲變咗仙士股.好彩聽股爺講放咗,如果唔係依家真係連亞媽都唔認得囉.