大咗肚..唔可以食啲咩..?唔可以做啲咩?

基本上煎炸熱氣就唔好食啦，雖然唔會引致流產，但係都對於孕婦同BB都冇益。海鮮類除左魚之外，其他既都盡量避免，因為海產帶毒性食左有機會會影響到BB既皮膚同身體機能既發展

至於生冷、寒涼野，基本上都係可免則免，雖然係因為唔同身體底子既人食左有D人會冇事。不過大人冇事姐，你唔知肚入面既BB有咩反應架嘛，始終呢D食物都有機會會影響到BB既呼吸系統，同埋有子宮收縮既機會所以避免進食

生冷野係包括任何雪過既食物飲品，而寒涼既就包括豆漿、西米、涼粉、香蕉、西瓜、海帶。如果你一時忍唔到口，一兩淡都唔成問題既，不過就真係唔好多，若果就係因為你唔介口而令到BB有咩事，自己都唔安落啦

另外，亦有D古老傳說，例如孕婦係到既時候就唔好裝修，釘牆，扎鐵，鑽牆，唔好搬屋同移床。雙手唔好舉高過頭，唔好大動作，唔好'戍'低，咳既時候都唔會太大力，會有機會小產。呢D都係老人家教落既，信不信由你

除此之外，最緊要就係保持身心健康，個人開朗D，有充足既睡眠，適量既運動，定時進食，食有營養既食物，可以既話每日飲杯奶，得閒就行下，吸下新鮮空氣，著D舒適既衣物，平底鞋。基本上咁樣都足夠架喇 祝你生個健健康康、肥肥白白既BB~

如果是初初有BB,千其不要食寒涼食物,如...西瓜,涼茶,涷汽水,芒果,一切辛辣食物及不要胡亂食藥,如果身體不適,一定要看醫生,還有小食蝦,蟹,榴槤等食物,一切可向有經驗的人請教,或可MSM我: [email protected]