如果要結婚，男方應該要出邊方面的錢？

由男家支付：
答：(嚴格黎講)如果係由男家負責俾錢既，有以下項目~~
(1)過大禮物品
(2)禮金
(3)俾女家既酒席
(4)唐餅 & 西餅
(5)金器
但係基本上，宜家通常男女方都會一齊儲錢，所以都唔會分得咁清楚邊啲係男俾、邊啲係女俾。
不過大多數人：項目( 1 ) 、 ( 2 )& ( 5 )都仲係由男方負責俾錢.....

擺酒嘅時候，最好同外父外母傾吓收到嘅人情點處理！因為如果你已經俾左禮金佢，好多人都唔會再俾酒席。但亦都有人兩樣(即禮金&酒席)都俾，就睇你地點傾喇！

由女家支付：


答：(1)嫁妝、(2)過大禮嘅回禮、(3)金器



(1)過大禮後，女家的妝套最遲要在婚前一天送到男家。這批大箱小箱的嫁妝，可視為女家身份與財富的象徵。



嫁妝除左金器外，仲有：
>>子孫桶 (可用紅膠桶代替)
>>尺
>>花瓶
>>銅盆 (可用紅膠盆代替)及一對新鞋
>>龍鳳被、床單及枕頭一對
>>兩雙用紅繩綑著的筷子及碗
>>七十二套衣服(2 or 4 套衣服)，有扁柏、蓮子、龍眼及利是
>>大箱 (可用紅色皮急或旅行袋代替)
>>小箱 (可用以首飾箱代替)

(2)過大禮(女家回禮)
1)取男家禮物的一半，其中必須包括茶葉及生果；蓮藕、扁柏、利是、芋頭、薑、石榴各一對及賀帷巾。
2)送給女婿的長褲（長命富貴）、皮帶、銀包（內置利是）及鞋一對（同偕到老）。 可用利是代替，註明『女婿金』



3)回聘金 (回尾數)例如：$38,888 回返 $888


4)茶、煎堆、鬆榚大發。 可用利是代替，註明『茶、煎堆、鬆榚大發金』


(3) 金器：龍鳳鈪 1 對、耳環 1 對、介指、頸鍊


希望幫到你！

由男家支付：
(1)過大禮物品


(2)禮金


(3)俾女家既酒席


(4)嫁女餅


(5)傢俱（床上用品、廚具、食具由女方負責）


花球、租用花車、訂回禮禮物男女儐相的利是和開門利是。


不過大多數人：項目( 1 ) 、 ( 2 )& ( 5 )都仲係由男方負責俾錢.....

男方負責過大禮,禮金和比女家的酒席
開門利是,回門金豬利是,舅仔褲E仔裙

女方負責嫁妝金飾裙掛,回禮用品,出門用品(敬茶杯),紅傘...伴娘裙.

假如要計,女家出門那天的所有費用也是女家自付的,女家酒席用的裙掛,外母裙姐妹裙也應該是女家出的,因為禮金巳經包括在內.

但而家都好隨便啦,擺酒果日都吾會分男女家人情,會一齊收晒!

除左男家比女家既禮金、過大禮果d用品禮餅之外，其他既野都冇話一定係邊個出既
不過傳統男專女卑既情況下，大部份都係由男方比既。不過而家既年代，都冇再會係男家比晒。好多時都會係男女方一齊儲左一筆錢，有d咩使費都會係果筆錢到出
甚至女家有錢有家底既話，女家既父母當係結婚禮物咁比一大筆錢比個女搞結婚添

通常男家只需要比禮金給女方家長,可以的話出晒酒席錢,其他的都會雙方share,不過好多時酒席錢都係一對新人自己儲的.

我覺得係全部！
不過其實都無一定~
最主要係睇下自己既財力！
同埋雙方面溝通！