關於這次美國經濟危機

我現在用最簡短方法去解釋. 我估計之後好快有其他網友抄幾十頁字畀你.
1. 詳細解釋一下今次 美國經濟危機 成因和影響 整件事情嗎???
答: 美國銀行為客戶做了樓宇按揭後, 會把這些按揭的風險以債券或衍生工具形式賣了畀其他金融機構. 而這些金融機構又將個按揭風險再用債券或衍生工具形式轉賣畀其他機構. 結果做成了一個巨型債圈.
近年美國的樓市下滑, 令很多按揭斷供. 銀行收唔到錢就變成虧損. 因為按揭的風險已經重覆又重覆咁你賣畀我, 我賣畀你, 結果, 就好似火燒連環船咁, 一齊玩完.
2. 還有對香港的長遠影響和對全世界的影響??
答:　美國會有好一段日子經濟會好難過. 香港由於很依靠美國市場, 因此香港經濟都會好難過. 全世界也是一樣. 只是程度上有分別.
3. 香港現在那班長者和退休人士 他們為什麼會又哭又叫(受今次事件)???
答: 因為他們買了一些叫迷李債券的東西. 這些迷李債券其實唔係正常人理解的普通債券, 而係包含了衍生工具在內的金融工具. 佢地覺得被誤導而蝕大錢, 所以好唔開心.
夠唔夠簡單?