香港邊個溜冰教練最好,最有經驗同能力教到高級數花式??

首先都想知道你要搵最有經驗同能力教到高級數花式，香港最好溜冰教練嘅目的同計劃係點。。。？？而你（或你個仔／女）現時溜冰水平係乜野級數，同埋你（或你個仔／女）可能出到幾多時間同金錢去學溜冰，成為高級數花式溜冰運動員。。。？？
如果你問香港最好嘅教練係邊個，我相信現時冇人會答到你或者會有人企出黎話自己最好。。（除非自大嗰個）。。。。因為現時香港所有溜冰學校都係商業運作，而且訓練班都係以初級或興趣班為主，教練都只需要有ＦＳ４就可以，可能連自己對溜冰鞋都未綁得啱就話做教練，都會有ＤＤ感嘆。。。
最有經驗同能力教到高級數花式嘅。。？？十年前都可以搵到三四個，現時一係返左老家（外國），一係已淡出溜冰界；後繼有冇人。。？？未見到，雖然有幾位十年前嘅學生現時都轉做教練，但係根底加理論及經驗都未見突出，自己可以做嘅動作未必可以教到其他人做得更好，未做到嘅動作就更唔知點教人地做得到，咁就算有潛質嘅學生都只會教得平庸。。。。
如果自問自己係有潛質而又經濟能力許可嘅話，去美加或澳洲試下參加佢地嘅summer camp或者intensive course，都已經比香港最好教練所能教到嘅更多更好。。。
祝。。安好。。

2008-10-17 00:25:09 補充：
你都未講到要幫到你乜野手....同埋你都未回應第一段所提出嘅問題, 就話人地嘅意見太膚淺,......唉......又少一個高級數花式溜冰運動員........

如果你係太古或又一城溜,Dior Leung 都5錯,佢教o既学生有D已有9/10級,香港比較少