妹妹結婚...結婚習俗一問

因為你妹妹爬你頭結婚，所以應該係佢 & 佢老公响女家屋企出門回男家嘅時候要响佢哋頭頂掛你嘅褲，俾佢哋穿過去....
其實呢個只係習俗黎架咋！做唔做都得，對你、對佢哋一啲影響都無！只不過係以前一般都係兄姊先嫁娶，之後才到弟妹，所以先有啲個流傳....
我有個女朋友，佢結婚嘅時候都係爬佢家姐頭，佢屋企嘅長輩都好似你咁話要穿過佢家姐嘅褲下面出門，但佢家姐就強烈拒絕呢個做法，因為佢家姐覺得要掛起佢條褲 & 要人哋响佢條褲下面走過，好核突，一黎覺得迷信，無呢個必要；二黎自己條褲會入晒鏡 & 影晒相，佢覺得好肉酸，所以佢唔肯！但佢家姐之後隔咗 2 年都結咗婚喇！仲生埋 BB添....所以你唔洗擔心對你有影響架！
呢啲嘢都係傳統習俗啫！信則有，不信則無！
希望幫到你！

安伯話：想問問，你係女仔？你個妹爬你頭出閣先？對嗎？

香港一般嫁娶做法，如細妹先結婚，出門返男家時，會橫掛一條未婚哥哥的新長褲係大門上，一對新人會係其下經過，才正式出門。

未婚姊姊，你，係無份掛的，亦無利是收架wow！

對你無影響架，無謂驚。佢唔咁做你會嫁唔出？唉，咁都信…唔好四處講，俾人笑你恨嫁添。

所以唔使唔高興，亦不要怪你妹妹、妹夫。

係咁架啦，唔好放在心上，諗下到時點玩謝新郎哥同班兄弟團吧啦！

2008-10-06 07:27:08 補充：
女家係計<出門>，男家至講<入門>。

各處香村各處例,,你婆婆咁做係有佢理由,,你問下你婆婆可吾可以係褲上過入門口,再加多一封利是呀....如果我係男人,我都吾想要穿過女人既褲浪低啦......