有關 買賣居屋問題

1. 用親人的名義(妹或哥)以綠表購買(不要補地價,但供款自己供),於2年之後,自行到律師樓,再把樓賣回給我....這樣可以嗎 ?
答：這個問題真的值得商討。首先你親人有綠表資格，即是你親人本身有公屋的；只要你親人願意在收樓後６０天內，無條件將公屋單位退回給房署，便可以用綠表資格購買居屋。
無論是用白表或是綠表下所買的居屋，其居屋業主及其配偶（無論有沒有業權）終身都不能申請公屋和居屋。如果你用親友名來買居屋，你的親友終身失去房屋福利；他日你的親友出現經濟問題，你們夫妻記得要幫手，至少都分半間屋給你親友住。
你親友在買樓後再轉賣給你，由於你們沒有綠表資格，即是作自由買賣來看；你親友在賣給你之前，便要將單位先補地價才能賣給你。價錢會跟私人樓差不多。
與其這麼麻煩，倒不如直接買私人樓好過！始終單位是人家的名下，錢卻是自己出，轉頭不賣給你也行的啊！攪咁多麻煩事，做人不如簡單一點！

買私樓好過啦 ! 況且居屋按揭以25年減樓齡計, 假如層樓10年的話, 銀行只做15年按揭, 每月供款都唔平, 不如趁樓市大幅回落之際去買私樓仲化算.乾手淨腳, 費時欠人人情.

好似 Nancy 所講 : 你用妹或哥的名義, 你會不會負責任, 補償佢地終生失去房屋福利的後果.
今時今日你親人不在乎房屋福利, 世事難料, 將來佢地經濟變差, 你會不會照顧佢地.

以下是我朋友的實例 :
我朋友借個名俾哥哥買居屋, 老豆要寫埋佢個名, 要佢幫哥哥供樓.
出嫁後, 層樓又唔俾佢住, 又唔淮賣, 2公婆又唔可以申請公屋 / 居屋.
夫家和外家反晒面, 朋友俾夫家閙到七彩, 要佢同屋企人脫進關係, 甚至話早知佢咁麻煩 (有居屋), 一定唔俾佢入門, 累夫家.