本人想和太太11初去北海道, 有咩地方有介紹?

1/ 應該唔會有雪落

2/ 自由行會好玩d, 除非你地乜都唔想諗, 唔係就一定自由行

3/ 冇問題, 我唔識日文, 但自由行都冇問題, 交通方便 d 旅遊書都會教, 唔係大問題 (唔識咪去到再問囉, 簡單漢字佢地會識) 你有車牌, 可以去申請個國際車牌, 就梗家冇問題啦~~~

4/ 跟團就要睇下邊間成到團先再諗, 始終係淡季, 未必咁易成到團, 自由行就睇下你會大約去幾多日, 日數少就要貴少少揀cx直航, 要轉機就平d, 但係來回會冇左1日 (除非你搭淩晨機), 你可以係網到睇下旅行社d package (我上年去就book jal, 佢當時最平, 可以 stay 東京/大阪, 不過就要轉機 / 另外都幫襯康泰買過幾次 package, 價錢好似比其它平少少, 打電話book完可以credit card落訂, confirm晒先去分店比錢, 都幾方便 / 今年年尾去東北就買 cx package, 因為我一早買聖誕package得佢一間有, 冇得揀, 都係打電話即時 confirm 晒, 再比 credit card資料佢, 佢到咁上下就寄package比我, 勁方便, 不過就可能冇咁抵)

5/ 你會去幾多日, 唔知幾多日就好難plan, 不過你可以買本旅遊書睇下, 基本上都會介紹晒 (我上次去11日東京 + 北海道, 頭尾有8日係北海道, 去左旭川, 網走, 登別, 小樽 & 札幌)

6/ 食就一定要食蟹, (我冇食蟹放題) 我上次係札幌食 set lunch, 都係3千幾yen一個人, 但係勁多野食, 飽到食唔晒, 又有個室, 又好服務, 真係比起東京大阪食果d差好遠呀, 另外係小樽就一定要食壽司, 真係好正, (我冇食壽司政果d, 我覺得佢太貴, 所以食左迴轉壽司, 果間叫 "和樂" 係小樽運河行去銀鐘樓果邊就會見到, 但係都好正好好食, 兩個人都係食左唔駛3千yen, 抵), 另外食帶子都好正, 一定要食呀!

你去申請個國際車牌啦, 租車玩好玩好多呀, 記底你想去既電話號碼 set 入gps就帶到你去, 同埋唔駛怕要轉酒店d行李點搞, 放係車就得, 我上次晚晚轉酒店, 完全勁方便呀

我上年十一月中去頭尾十一日, package + 租車 + 洗費 (唔計自己shopping) 兩個人洗左 2萬8
我上次就自己預around大約1千蚊到1日(唔計酒店 & 租車), 其實都唔駛咁多錢, 因為都租車唔駛咁多車錢, 都係食下野, 買下飲品同埋比下油錢咁, 所以都剩左成5千蚊. 平有平駛, 貴有貴駛啦

1. 11月初還未落雪呢! 但天氣都凍!

2. 個人認為自由行好玩好多! 未去過都可以試下, 不過要花時間做功課, 睇旅遊書, 上網找資料, 睇下人定的blog...

3. 一般問題不大, 只要你帶埋旅遊書, 要問路時就拿著本書問就一定no problem, 同埋將重要的地址抄下(用漢字), 交通主要JR同地鐵為主, 都好簡單, 同香港差不多, 你可以去到札幌的tourist info問, 那裏有懂英語的職員解答你的問題!

4. 北海道package都係CX, JAL同ANA, CX較貴, 但有直航札幌(逢三、四、六、日), 每日一班機, JAL同ANA價錢較平, 但要在東京羽田轉機, 但可以搭零晨機, 一早就去到札幌, 時間會更見駛!

5. 第一次去就通常都會去以下地方
札幌、小樽、登別、旭川、層雲峽、函館等...
如果你地只去5天, 行程大致可以為,

DAY 1 札幌
DAY 2 札幌-->小樽
DAY 3 札幌-->旭川
DAY 4 旭川-->層雲峽-->旭川
DAY 5 旭川-->札幌

或者

DAY 1 札幌
DAY 2 札幌-->小樽
DAY 3 札幌-->登別
DAY 4 登別-->函館
DAY 5 函館-->札幌

因為11月都可能會睇到紅葉, 所以去層雲峽就一流, 至於登別同函館係比較大路的地方, 但札幌去函館就較遠(3.5小時JR)

6. 拉麵(札幌拉麵共和國, 時計台拉麵, 薄野拉麵橫丁)
蟹(薄野蟹將軍, 蝦蟹合戰)
馬糞海膽、魷魚(函館朝市)

7. 無錯你要在香港運輸署攞個國際牌, 應該唔駛100元, 去到日本駕車要用GPS, 不過應該不難操作, 只要輸入某地方的電話號碼就可以知道位置

8. 睇你地點用, 好難講! 我諗兩個人點都要20萬YEN!

我建議自遊行,因為很多旅行社有自由行的Package 提供,幫你訂機票,訂酒店,加上你如果識駕車的話,更加方便,大部分日本車都有GPS導航 ,你只要入個Code ,導航器便教你走那一路,到達目的地,還有日本的餐廳的Menu 大多數有食物的相片 ,你只要手指指,便可以點菜

建議行程
Day 1 直航到札幌 ,-------->薄野Shopping(1st night 住札幌市)

Day 2 札幌------->旭川(遊旭山動物園,旭川拉麵村)
(3rd night 住旭川市)

Day 3 回札幌------->小樽(遊運河、音樂盒商店,玻璃商店)
------>下午返札幌市-(遊北海道道政廳、拉麵街、狸小路,時計台)
(2nd night 住札幌市)

Day 4 到洞爺湖或登別浸溫泉及留宿---->乘有珠山纜車觀光

Day 5 Niseko(二世古)滑雪

Day 6 札幌 (遊白之戀人朱古力廠、大通公園,札幌生活工房購物中心)(6th night 住札幌市)

Day 7 札幌------>千歲(遊Rera Outlet)---->新千歲機場----->香港

食野方面有咩好介紹
北海道的海產及農產品都非常美味 ,包括皇帝蟹、松葉蟹、毛蟹、三文魚、帶子,牡丹蝦 ,喜次朗魚, 魷魚,馬糞海膽, 還有栗米,番茄 ,牛奶

可能未落雪, 我都覺得自遊行好一點.
小樽,富良野,美瑛,函館,帯廣幸福駅是我推介的地方.
當然是海澹la!