關於想買PS3........(20點)

其實吉之島都有得分期付款買PS3,但係要包買指定遊戲,有40GB/80GB($2880)連兩隻指定遊戲(遊戲的價錢由2XX至3XX不等)而用AEON信用咭可以分24期,就算無信用咭都可以分18期,其中40GB只需買一隻指定遊戲都有交易,但若果買主機連兩隻指定遊戲就有吉之島$300現金卷送,但係80GB一定要買兩隻遊戲及無吉之島300蚊現金卷送(主機都係$2880),而閣下若果真係諗住在吉之島買的話,我建議你到黃埔吉之島度買,因為指定遊戲款式比較多,而且買40GB連兩隻指定遊戲,除了$300現金卷外,更額外多送一個手掣(只限在黃埔店,而且送完即止),80GB就同期他舖無分別,而且在吉之島買PS3,可以用$99買SONY HDMI線。不過...若果你對吉之島無咩好感,我建議你可以到旺角好景中心度睇睇,嗰度個價錢比較有彈性,但係就要一次比錢,所以我都係去左吉之島度買,因為有現金卷送(我買40GB),同埋有手掣送,其實百老滙都係一個唔錯既擇選,有得分期同多點保障,不過個價錢就會比較高

無錢就唔玩囉，一係儲到錢先買，買部ps3都要免息分期，咁第時點算呀...