✔ 最佳答案
其實,你所講嘅死神,係動漫中都冇講過佢地識唔識卍解。但係佢地係應該識得卍解,因為要做到隊長,至少都要識得卍解(劍八例外),所以你所講嘅咁多位隊長都應該識卍解。
而最緊要嘅係,我可以肯定浦原喜助識卍解。因為係動漫中,一護最初去到屍魂界,打白哉之前,佢曾經接受過夜一嘅訓練,而係果時,夜一曾經講過,浦原係用呢個方法訓練過嘅。咁即係話,浦原係應該識得卍解。
但係,我對碎蜂識卍解有一定嘅懷疑。因為動畫中(我唔肯定漫畫有冇)有一幕,係碎蜂同夜一打嘅,係果個時候,碎蜂係好憎夜一嘅,佢好想夜一死,所以每一招都下重手,而最後亦都用到「瞬閃」。問題就係到,如果碎蜂識卍解,點解佢唔用卍解對付夜一。當然,我唔會排除碎蜂係之後嘅時間訓練,而終於練成卍解。
2008-10-05 00:14:54 補充:
仲有,唔記得講。我諗藍染同市丸都係應該識卍解嘅。因為,如果佢地唔識卍解,佢地仲點會諗到要背叛屍魂界,要背叛屍魂界嘅話,一定要有一定嘅實力,市丸係應該唔會諗到佢跟本唔使點打,就可以成功背叛成個屍魂界,所以佢一定要有番一定嘅實力,即係應該都要識卍解先得。