杰!倉鼠點樣可以令牠們一籠同住??

冇辦法令兩隻鼠可以一齊住因為倉鼠係獨居動物,天性就係習慣一隻咁生活,有第隻鼠一齊,就算唔打傷打死,都好易因感到壓力而生病,就算係同一胎,同唔同性別都一樣,加上兩隻鼠一大一細,咁係更易打傷甚至打死鼠b(食左鼠b都唔出奇)
建議你買多個籠,如果真係冇辦法買既話,就算答應左要一隻b,都最好拒絕,咁係為左佢既鼠b同你既鼠鼠著想

我細個時試過一籠放兩兄弟,個籠好大,有2間屋仔,2個瞭望台,好多野都有兩樣,都一樣打到頭都甩,就算係再大既籠,同性唔同性,係咪同一胎,其實都會打既
沖完涼再放埋一齊既方法我都試過好多次,一樣打得好勁呢

我都好想一籠多鼠,但好多人地講既方法我細個都試過晒,結果都一樣,唔想你步我後塵

其實鼠鼠最好分籠,如果唔同性別,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

另外,希望你都可以勸下你朋友唔好繁殖鼠鼠,要送1隻俾你,相信佢本身處理唔到太多既鼠,如果再不斷繁殖,真係好快可以有幾十隻鼠,而且生b會令鼠媽身體差同短命,如果真係堅持繁殖,懷孕要留意既事可參考以下我回答既知識:
http://hk.knowledge.yahoo.com/question?qid=7008080800104


2008-10-05 16:17:15 補充：
當然唔係話100%會打交,但好多時鼠鼠感到壓力,唔係咁易可以睇得出,加上鼠鼠會打交呢個問題,相信唔難搵到有關既知識,所以我覺得冇一個方法係可以確保一籠多鼠係冇問題

就算得50%會打,又係咪值得用鼠鼠既生命去冒險?

沖涼既方法係令鼠鼠既體味改變,沖完最初可能會有用,但好快鼠鼠又會有自己既氣味,而且鼠鼠唔可以成日沖涼,沖太多會令抵抗力下降

2008-10-05 16:17:27 補充：
如果等到見到鼠鼠住埋一齊有問題先再分籠,可能鼠鼠已經有受驚,受傷甚至死亡,又係咪忍心見到呢d情況先去處理?就算覺得冇問題,又係咪任何時間都可以作出最快既處理?半夜都馬上有籠分開?

不如在未發生悲劇之前,好好考慮清楚先再養多隻吧

2008-10-13 06:17:04 補充：
其實回答中已經有提及,點解鼠店既鼠唔打交?希望你真係可以花少少時間去睇,回答問題實在只係想為閣下既鼠鼠著想:

3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢

一定唔可以放佢地1齊.
倉鼠始終係獨居動物.
1隻細1隻大.隻細既1定死冇生.
我細個果時都試過.買左隻BB鼠返泥.
1放落隻大既鼠到隻大既即刻咬住佢唔放.
最後隻細既比隻大既咬爆左個腦.第2日就死左.
如果係兩隻都細既暫時放住1齊先都冇咩問題既.
但1年後就要分開.
你想1隻大鼠+1隻細鼠1齊住.
只可以有1個理由.
就係隻大鼠係隻細鼠個阿媽.
我之前隻大鼠生過3次.
第1次.生左5隻.得返1隻黑鼠仔同1隻白鼠女.佢地兩隻住埋1齊1年幾到都冇打大交.得閒搶野食果D打交就好多.
第2次.生左7隻.7隻係晒到.後尾送左2隻比人.5隻同阿媽1齊住左半年到,到阿媽再大肚就分開左.
第3次.生左唔知有幾多隻.但得返1隻.
(我由7歲起養鼠養到12歲.5年經驗.養過大約12隻黑灰色俄羅斯.大約11隻小銀狐.2隻小露寶.1隻熊仔鼠)

千萬不可以將他們放在一起．．．．

就算是由細一齊長大既鼠鼠～～都會打大交．．．
更何況．．．是一隻陌生的鼠鼠．．．
加上是鼠ＢＢ～你要等佢地最少有二十日大才好帶回家呀．．．
因為二十日先差不多介奶～～

我建議你．．．買多一個籠好了．．．

2008-10-08 11:45:40 補充：
我養左好多年鼠鼠．．．
接過好多胎鼠ＢＢ．．．．
是個人經驗之談．．．．．．．．

其實喺可以1齊養架^^
同佢地沖1次涼就ok的
洗走哂佢地d味*_*
咁就得喇
5得先分籠養
無謂哂左d$$喇
d錢買d日用品比鼠仲好喇

2008-10-05 13:59:25 補充：
我養左成5隻小紫王
(喺1隻1隻咁買)
都冇野架^^