鍾淑慧係咪港姐o黎o架?

通常港姐冠軍會代表參選環球小姐，但當年唔知環球小姐早左定香港小姐舉行，所以特別有一個叫環球小姐香港區選拔賽既比賽，而鍾淑慧就係呢個比賽既冠軍，代表左香港去參選環球小姐，咁當然無獎啦。

之後就拍戲，一直都唔紅，直到佢去左拍三級片，套戲名唔記得，只係記得係講殺人既，而男主角就係佢而家既老公吳岱融。之後拍親戲就兩個一齊拍，唔係拍左好多套，套套都無咩票房。

而家就唔知返左大陸發展定返左新加坡(吳岱融係新加坡人)，印象中吳岱融有繼續拍戲，包括亞視電視劇，鍾淑慧就好似生左仔，仲有無拍戲就唔多清楚喇。

果時係1987年,因為環球小姐係每年5-6月舉行
而當年既港姐又係暑假舉行
黎唔切報果年既環姐
所以就搞左個環姐香港區選拔賽
賽程簡單而隆重,佳麗質素重好參差添
基本上鍾淑慧勝劵在握,無敵手
當年只得冠軍一個獎項
聽聞鍾代表香港選環姐時
雖然無獎
但拿到唔錯既名次(大約廿幾名吧)
以環姐參賽佳麗既規模(接近一百位)
這個成績算不錯