今年的中秋節,奶奶越黎越唔鐘意我,包括佢的女

我結咗婚二十年,我嘅老公同奶奶同你D係一樣嘅人,老公廿四孝,我奶奶比你上面講你奶奶Ｄ嘢更不近人情。初結婚時,有次煲湯,大伯讚好味,佢就話苦,要倒咗去廁所。有次母親節,我買咗两隻手鐲,一隻俾我 媽媽,一隻俾奶奶,我奶奶接咗之後(都有接),轉身俾我姑奶,話我唔鍾意戴比咗你,當時我頭頂出煙。之後,我不再送禮物,花心思,改俾現金。
有時對某類性格的人不必花太多心思。我奶奶屬於直腸直肚型(我覺得我咁分類自己會開心D),這是改變不了的事實;而我老公廿四孝,也是改變不了的事實,所以我開始改變當初搞對抗的心態。例如,我唔會再買嘢俾佢,改俾錢(有D阿Q精神,不過好有用);佢講嘅嘢唔鍾意聽,當聽唔到,就算應了都不一定做(佢成日叫我要點樣教仔,如果同我理念唔一樣,我係唔會照做的),除非合理。我唔同佢一齊往,有些事情過咗就算,不必太執著。
至於老公,佢孝順亞媽其實都係好事,衹不過我哋激氣在所難免。講句老實,佢哋在中間,有時都好難做。我知我老公有時去揾亞媽無話我知,所以有時我都會提出同佢亞媽食飯飲茶,等佢高興下,亦都係話佢知,我有時唔高兴,係對事,唔係對人。
有時嬲都要理性點,下下搞對抗,會令你身邊人覺得你唔鍾意佢屋企人,影響你哋關係。始終,你奶奶唔會因為你而改變性格,不如大家客客氣氣,佢講嘢有唔鍾意聽,笑下就算,不要放在心上,做唔做隨你,咁你會開心D。

2008-10-04 17:02:16 補充：
其實問題不在於忍或唔忍,而是在於點去處理。激氣當然激氣,但係激心又過一日,開心又過一日,激氣可能激死自己,出手就傷到身邊人,始終無甚益處,倒不如学下太極推手,睇下如何將問題輕輕帶過,樂得自己開心,又不傷人,這才是WIN WIN。

你的奶奶當然是有無禮舉動，但你也有一點疏忽，因為長者絶大部份都不接受冰皮月餅的，正所謂好女兩頭瞞，如果下次你媽媽有心送禮物但又不合你奶奶心意，你最好自掏腰包買一些合她口味的（如中秋節買傳統月餅），可能情況不會這麼糟了，想要別人（尤其是長者）對人改觀不是一朝一夕的事，要花很多心思和時間的，如果你愛你的丈夫就當是愛屋及烏吧！平日可向你丈夫打探她的愛好便可事半功倍了！我知道你會有委屈感，不過就當體諒她年紀大吧！

君子有容人之諒，不要氣餒！

睇開D啦，有D老人家唔識表達自己，你就當佢表達得唔好，佢要食芋頭可能係佢由細到大既意頭甚至係一種回憶。你唔好怪佢啦，或者，你出年買月餅前，不如問一問佢鍾意食五仁果子多D定蓮容多D呀，咁可能你可以了解大家多D嘛。
因為我媽媽都係唔識表達自己既人黎架，有時外人係會誤會，我地都要幫佢跟手解釋，睇開少少啦，大家一家人﹗

我覺得家家有本難念的經，我不會去指責誰是誰非，站在不同人的立場有不同的想法。我只想說看到一面倒的回應者都是指責提問者是錯的，應尊重老人家...我個人認為不是不尊重，而是我也體諒到提問者激心的感覺，我想每人在當場感受不一樣，您們可以叫她忍了她奶奶，但我認為現今的女性有自主能力，有自己的思考與及感覺，可能回應者們大都結婚超過20年，始終與新一代的新抱多少有思想上的出入，不是說您們不對，而是我覺得提問者明明是真心送禮給老人家，連句多謝也沒有，還要接受別人無禮的說話，心中的不憤在所難免，我總認為我們要給提問者一個空間去渲洩自己的不滿，而不是叫她壓抑著....

2008-10-04 15:32:45 補充：
孝順是固然要有，但也應有自己的立場，若是真心的付出換來別人的不尊重對待，也應要將不愉快的經歷說出...

我支持您呀！

2008-10-04 15:34:38 補充：
還有一點我想說，事實上不是所有人都是您對他好，他就對回您好的....

不要將開解變成指責提問者，她根本無錯，而是有心...只是用錯在別人身上而已....

你合冰皮月餅有幾大合, 是6個迷你裝 or 7 星伴月大合裝 ?
你地是否新婚 ?
你外家第一次送月餅 ?
你 2公婆有無送月餅俾老爺奶奶 ?

如果你 2夫妻無私人送傳統月餅(要標準裝), 一字咁淺, 你奶奶小氣, 下次唔好啦.
你對佢好, 要用傳統方法.

我結婚 27年, 奶奶都是和你的奶奶差不多, 但我一向主動問佢意見和坦誠話佢知我的感覺, 所以佢唔會勉強我, 省去了麻煩和誤會, 當然大前提是我絕對尊重老人家的.

無論佢點講都係你長輩, 對長輩尊敬有禮是應份的. 佢要買芋頭俾你地證明佢心是愛錫你地, 你"老公無出聲"是因為他左右做人難. 你不如想像下, 若佢老人家真係唔鍾意食涷冰冰的冰皮月餅, 但為了領你的情拿了回家, 他們會怎樣做? 你想他們明明覺得難吃都勉強啃掉, 還是放到過期扔掉?

他們要送你芋頭你都: "好大聲講,無賣,無人食架..", 不也是要避免要勉強啃掉, 或是放到過期扔掉不愛吃的食物嗎? 還是因她不領你的情, 你也不領她的情? 其實有禮貌地話佢知你唔食芋頭佢地一定唔會迫你吃的.

你明明話: 你對人好,人地就自然對返你好... , 咁你又話"唔洗對佢甘好", 可以想像佢又點會對你好.

建議你好好接受他們是一家人的事實, 主動好好溝通, 愛錫他們, 我肯定他們會感受到你的真心真意, 視你如親女兒. 不如想下多兩個父母是你的福份, 好好珍惜一起的時光, 留一些美好回憶給後代. 你老公一定開心好多, 你自己都會幸福好多.

可能老人家真係唔鍾意食凍呢？算啦！你老公做得ga，手板又肉，手背又肉，都幾難做為有唔出聲！而且過時過節只有我地送禮比長輩…媽咪同奶奶通常都襯家兩免的！可能各處鄉村各處例la…