遇到變態老頭該怎麼辦?

如果個阿伯只係路過, 但見親你同你 d同學都專登撞埋嚟, 但唔係撞 d 敏感部位, 例如胸部, 咁你只有當佢同你有仇, 叫佢睇路小心 d . 吹佢唔漲.
但如如果個阿伯係喺條窄路度不停咁行上行落, 並非路過, 而專登去撞 d 女仔, 咁無論佢撞到乜嘢部位, 都已經犯咗香港法例第200章<刑事罪行條例>第160條 - 遊蕩嘅第3段:
任何人在公眾地方或建築物的共用部分遊蕩, 不論單獨或結伴在該處出現, 而導致他人合理地擔心本身的安全或利益, 即屬犯罪. 一經定罪, 可處監禁2年.
遊蕩罪係刑事罪, 你可報警.
如果個阿伯專登去撞 d 女仔嘅敏感部位, 例如胸部, 咁就直情係非禮. 一定要報警.
我建議你揾日早 d 番學, 企係遠遠路口觀察吓, 睇吓個阿伯係唔係只係路過. 如果發現佢喺度行嚟行去專登碰撞 d 女仔, 咁你應將事情話俾老師 / 家人知, 叫佢哋陪你報警.
老實講, 我覺得個阿伯係趁碰撞而非禮你同你 d 同學. 又唔係同你哋有仇, 無端端做乜撞你? 九成係趁機抽水! 報警啦! 唔可以姑息呢 d 賤佬嘅!