聖誕節去埃及...

聖誕節都係一個節日姐，唔駛一定要有節日氣氛，樓主想去邊都無所謂。不過埃及係回教國家中既大阿哥，所以絕對唔會慶祝聖誕節，你係嗰度絕對唔會有任何聖誕氣氛。小弟都係同樓主一樣，我係2006年聖誕節去過埃及旅行，可以比一啲意見樓主。

先講天氣問題。令人驚奇既係，埃及既冬天以香港人既標準來講非常寒冷，小弟全程都必須著上僅有既一條長褲及披上薄薄既風褸，但仍不夠禦寒。小弟係行程最後一日於開羅大市集外圍坐低休息，即使當時已經係早上10:30，陽光普照，但小弟仍肯定嗰度既氣溫最多只有攝氏10度左右，而且全程氣溫超過二十五度既時間極少。所以樓主如果係冬天到埃及，你必須帶足夠既禦寒衣物，但應該唔駛帶羽絨。

雖然樓主有三位壯男咁多，但我仍然唔建議你地自由行。因為雖然埃及唔算危險，但前排先至有11個歐洲遊客比人綁架左，好彩佢地後尾被放番無事，但始終都係令人擔心。而且埃及人一般都幾貪小便宜，咩都向你收小費，雖然你可以唔比，但有啲情況好難脫身(例如於吉薩金字塔附近騎駱駝)，如有旅行社導遊及領隊安排就完全唔會有問題。另外由於埃及係阿拉伯國家，有啲禁忌需要特別留意(例如唔好同當地女性影相)，如果不幸犯上，當地導遊及領隊絕對係你既救命恩人。仲有，去埃及唔同景點要有軍警護送(convoy)，而呢啲都要旅行團才可辦到，所以閣下最好都係參加旅行團為妙。另外，埃及既旅遊景點好分散，有統一既交通安排會方便好多。而且一般旅行社搞既團已經包晒所有最典型既景點，吉薩金字塔、獅身人面像就唔駛講一定包，而所有香港出發既埃及團都一定會去帝王谷、女王大殿、卡納克神廟、伊芺神廟、洪加達、亞斯旺及阿布辛貝神廟，另外通常仲會包一次尼羅河船河。上述既所有景點已經係埃及最好睇既野，好大機會比你自遊行去既地方多。除非你同小弟一樣係埃及迷，係都想去埋階梯金字塔、帝后谷、紅金字塔及費萊神廟，否則你跟團已經行到你嘔。

要帶羽絨,但較夏天去好;會否慶祝聖誕節?差不多無,九成人信回教，亦無豬肉吃,我夏天去完,真的好好睇！最好近團去,因你到埗也只可報當地團，(埃及規定一定要由當地導遊同行及某些路段由軍警護送)但質素(人)很差，無乜合約及服務精神，所以跟香港旅行社去有人搞及較舒服，治安ok

可以參考我的Blog
http://hk.myblog.yahoo.com/sunny99travel/

建議你可以參加遊輪之旅 11/30 有一團到到埃及
起點為巴塞隆納 途經印度和其它國家

現在我們公司特價 約HK$10000多 非常值得
如果你有興趣或問題 可以在那邊留言
我再回覆給你

聖誕節應該去芬蘭聖誕老人村, 那裡會更巿氣分! 埃及就麻麻, 若果真係去埃及要帶羽絨的! 還要帶防沙太陽帽! 因為入沙漠就可以拉下擋風沙, 但係又可以看到東西!
其實真係首選係芬蘭, 接著:俄羅斯, 美國紐約,LA, 關島, 土耳其都會好FEEL過埃及的! 但治安就真係麻麻! 小心! 所以玩得唔夠放, 我提議的就較好治安點! 紐約而家冬天自由神像都開, 好多地方都開, 你可以係聖誕節日上去帝國大廈, 正!