右上邊最入隻大牙蛀左一個大洞, 而家開始牙痛, 係咪一定要杜牙根?? 如果索性剝左隻牙得唔得?

1. 右上邊最入隻大牙蛀左一個大洞, 而家開始牙痛, 係咪一定要杜牙根??

如果你隻大牙蛀左一個大洞及開始牙痛, 即是已經蛀得好深, 觸及神經線位置, 牙醫一定建議你做杜牙根, 然後補番個大洞再造個牙套保護隻牙, 收費大約要三四千元,, 但以後進食時要小心D, 唔好咬太硬的食物, 咁就無乜大問題都幾襟呀! 其實可以keep番住隻真牙都值得做呢!

2. 如果索性剝左隻牙得唔得?

我就唔贊成, 點解?

- 因為剝左隻牙後就會有個空位, 如果唔整番隻假牙, 時間耐咗可引致附近其他D牙會移位;

- 少咗一隻牙會影响以後進食唔方便;

- 如果整番隻假牙其實都唔平和唔會用: 活動假牙容易攝嘢要經常清潔; 固定假牙美觀但唔實際, 食嘢唔夠力;

- 最好就係植牙, 效果持久而功能幾乎同真牙一様, 不過收費就非常昂貴, 大約要兩萬幾元呀!

所以如果你為咗慳錢而索性剝咗隻牙, 咁就會因小失大, 手尾仲長, 好唔值得咁做呀!

2008-10-04 23:09:26 補充：
右上邊最入隻大牙唔會係智慧齒? 因為智慧齒刷得唔好容易蛀牙兼冇乜用, 如果係的話咁就可以剝左佢!

如果個洞深得好勁，都
未必可以杜得牙根，而
且杜牙根亦好貴！最少
都要四千蚊內，如果你
唔介意冇左隻大牙既話
咁去脫左當然可以！只
係以後食野會冇咁方便
姐！依d要你自己唸清楚
喇，我兩邊都杜左！貴
到流眼淚，而家真係
要好好保護牙齒！睇牙
醫貴到死！睇幾次真係
成份糧！

你快d去決定喇！唔係遲
左好難搞！又痛！

祝你早日康復啦！牙痛慘過大病

唔好呀, 你話如果年紀係大果d就話剝咗無所謂, 但中年人果d唔好啦, 牙齒好寶貴, 無咗或者註咗, 你杜咗牙根起碼有隻牙係度, 仲幫你咬碎食物, 如果你剝咗, 好唔慣架, 我都杜過唔少牙根, 都真係好貴, 但唔好咁衝動, 試下杜一隻先啦, 如果你剝咗, 剝咗就係剝咗, 到時你想要番都無架啦, 種牙仲貴呀!

yes