我想問關於三亞旅遊-----急急急急急

其實三亞主要係分開為︰三亞灣、大東海、亞龍灣。



其中以三亞灣及大東海最接近三亞的市區，坐的士的既話，大約只係15-25元左右啦。三亞灣的風景比大東海會好d，但以海灘的質量黎計，大東海又會好過三亞灣。而最近市區的，就係大東海。



不過如果以風景及海灘質量黎計，就係亞龍灣最好喇，但係離市區較遠，坐的士都要60-80元架。而且附近都係d 5、4星級的酒店，亦無咩食店，所以多數只可以仕酒店內的食店，甘就自然會貴好多。但風景海灘，亞龍灣就真係無得頂。



如果你去三亞，就建議你分開住下，以4日3夜為例，最好住1晚三亞灣或大東海，住2晚亞龍灣。住三亞灣或大東海時，因為住市區，所以建議去市區度食海鮮，推薦到「春園」(屬「大排檔」性質)食，因為又平又好食，但要留意有好多「假」春園，特別係d的士司機，距地講既野一定唔好信，距地多數會話春園唔乾淨、又多人、又唔係最平、又唔好食，然後帶你去一d距地相識的食店食飯或「假」春園，甘距就可以收到回扣，而你餐飯就會變得「貴又唔飽」，仲要食到一肚氣。所以要認清真的春園是在三亞市的河西路北面。



好多人去春園食飯，都會事前去第一市場度買海鮮，而後帶到春園加工，因為甘會係最平。 4個人，200-300元左右，會食到你行唔度，好抵食。建議可以到春園的6排8號，或3掛9號或4排9號彧3排6號。



以現時來說，是屬於三亞的冬天，不過早晚的氣溫會比較清涼，至於在中午時份，都會有成26-29度左右啦，呢段時間去三亞最適合，又唔會太熱。所以由12月至3月是三亞的旅遊旺季，酒店會貴d，特別係農曆新年時，d價格簡直離晒譜。至於你問現在的三亞適唔適合游水，甘真係好睇個太陽喇！因為白天時，如果有太陽，都會有成28-30度架，落水係完全，但如果沒有太陽、再加上有d風的話，海水的溫度會凍d，唔係甘適合落水架。



另外，我覺得銀泰度假酒店會比較好，酒店都算漂亮的，尤其和沙灘中間的花園，和亞龍灣的萬豪酒店的花園感覺差不多。可惜的是沙灘還是大東海的公共沙灘，雖然劃了一段放了銀泰的躺椅，但是整個沙灘人還是比較多的。服務員都很熱情，主動打招呼，主動指示方向，讓人感覺不錯。因為在大東海，所以出行還是很方便的。離開春園打的也就10塊左右。在大東海附近轉了一圈，個人感覺銀泰在大東海應該算是比較好的一家了。