我想學識點哄人例子同方法..

對人有禮貌d,好口d,遇見面主動微笑打招呼都會哄人開心的!
例如第一次見人地個仔好怕醜唔敢出聲,你可以話你個仔好乖好斯文呀! 如果佢係百厭手多多無時停,你都可以讚佢活潑好動幾可愛喎!
對男朋友樣貌身材之外都可以讚佢頭髮,衣服有型,就是他送的禮物唔合心水都要讚佢有眼光,不過下次最好一齊去買好d!
別人有少少錯失盡量不要當面指責,別人工作做得好要多點讚揚!
任何人或所做的事都可能有好有唔好,如果時時都針對別人缺點錯失就一定乞人憎,想哄人歡喜要多留意別人的優點多d稱讚,總之都係隱惡揚善咁就得了!

我有幾個提議(朋友方便)：
1、發掘優點：
可以真心咁諗下對方有咩優點，o係適當時候讚下對方，但要適可而止，唔可以太密都唔可以太浮誇。知道對方有咩強項(e.g. 電腦、愛情、運動)可以得閒搵下對方幫手，俾個機會自己讚下人之餘又可以俾到好強烈o既存在感人，都係個唔錯o既方法。

2、體貼入微：
簡單o的，較老生常談o既一件事就係o係任何節日都會搵下佢或者講下o的祝賀說話。留意下你個朋友，當對方有咩需要時唔駛人地講出口自己都自動自覺幫下手。朋友有任何困難都要體諒，並且要俾人知道你係明對方o既立場。

哄人例子同方法真係有好多架喎, 唔同人有唔同嘅方法, 唔可以一概而論架...總括嚟講, 都係要有心思, 同埋要知道對方性格至work架!係呢度真係唔知點話你知噃!