註冊但未擺酒,過年須唔須要派利是架?

我當年都係先註冊後擺酒，日子相隔3個月兼有個農曆新年，我都無派利是。其實擺酒派利是都係中國人的習俗，傳統擺酒後才叫成夫妻先會派利是，除非你講明唔擺酒，咁d親友就會問你要利是，不然都好少會。長輩就緊話未擺酒唔洗派，d親友知道你註冊後總喜歡說笑問要利是，其實係唔需要派，不過想唔想派就睇你自己啦。

其實呢d野,睇你地兩位喜好............

計正,因為你地已經正式註冊結婚,而結左婚即係証明已經係成人,係長輩,所以根據中國人既習俗,係應該要派利是;

但你地註左冊,又未擺酒,咁即係又唔係跟足中國人既傳統習俗,有晒三書六禮拜晒堂啦,如果咁,你要計正既話,又唔算結左婚播,咁又可以大條道理唔派利是住~

俾幾個例子你: 我有同事結左婚兩年,咩儀式都做晒,爭在未生仔女,不過兩年都冇俾人知結左婚,亦唔派利是,直至俾人無意中知道已婚,先開始派利是............又吹佢唔脹播~

第二個例子係,我有個朋友,佢離左婚好幾年,但年年新年都一樣派利是俾d後輩,不過只派一封............

第三個例子,我有好多同事結左婚,有d新年喜歡派一封利是(因為佢認為兩公婆,我地只識佢一個),有d就一個人派兩封(認為好事成雙,結左婚就應該派兩封)

第四個例子, 我有老人家長輩,兩老後時生冇正式註冊或擺酒,但一樣派利是,咁又o岩唔o岩路數呢?

結論係: 派利是既係一種習俗,亦係一種心意,比重係幾多由你地兩公婆決定,如果你地認為習俗緊要d,亦認為依正習俗做晒儀式先叫結左婚既,咁咪正式攪掂晒d野先派囉~

但如果你地已經大部份親朋好友都已經知你地註冊左,又認定你地已經係夫婦,而且又怕人地會閒言閒語話你地結左婚唔派利是,咁就要局住照派架喇~

簡單d講,你派錢,人地一定恭喜你同多謝你; 你唔派,錢係你既又有道理話自己"未結晒婚",所以唔派人地又吹你唔脹~ 其實呢個已經唔係習俗,傳統或者儀式既問題, 而係喜好,面子同人性既問題~

無規定既, 好睇個人既喜好, 唔會有人怪你既...
我識既人普遍都係派畀d最最最親既小朋友, 其他唔派, 到下年擺左酒, d親友知晒先至派通街....