請問有那種營養奶粉 / 營養產品是適合老人家但不會引致肚瀉的?

其實主要有幾個原因
1/ d奶太濃縮，老人家消化力唔夠好消化唔到
2/ 免疫力差，易痾
3/ 本身對乳糖不耐受

對於第一個原因
你可以開多少少水比佢
因為太杰身落左腸只會扯番腸既水出黎
咁就一定會痾
通常照正常份量再加開水1:1溝稀
可以減少依個原因引起既問題
絕對唔好因為老人家飲得少就特登開杰d係唔得既

第二個原因你可以試比佢飲益力多平衡腸入面既菌
但係因為益力多本身既糖份較高
如果有篤開手指既話可以一路篤睇番個血糖會唔會太高
可以就番個血糖黎飲
但係就唔可以當正餐
平均一日唔可以飲晒一排咁多

如果佢既血糖好高唔飲得益力多
你地可以買番市面上既益生菌產品比佢食
比如係日本既新表非鳴S
有丸裝或者粉裝可按指示服用
平時飲食亦要注意衛生唔好放太耐
特別係開左既奶飲唔晒就倒左佢唔好留

如果老人家本身係唔飲得奶對乳糖耐受唔到
咁可以搵市面上一D大荳配方既產品
亦都可以飲翻熱過既純豆漿/低糖豆漿
維他奶因為糖份高唔可以常飲但都可以飲少少
最後就係向醫生或者營養師請教
係唔係可以安排特別配方既奶比佢飲

最後就係老人家中風後既吞嚥能力其實得唔得
佢其實會唔會因為食唔到d野而食得少
如果發現吞嚥有問題（比如係飲水會逐親或者吞唔到飯）
就最好睇番醫生係唔係要言語治療師評估
安排合適既餐比佢

特別留意如果老人家飲水會逐親
一定要照番指示加凝固粉落d水同流質度先比佢
防止因為逐親d野落左氣管而肺炎
d老人家個肺一差就會咩都差架勒

總括黎講我會建議你先試試開稀奶同益生菌產品
如果都係唔得就要轉
可以試試RESOURCE DIABETIC （紙包裝有奶同果汁breeze兩種）
其他糖尿既產品都可以試試

但係如果一直胃口都唔好
比如一日飲食唔夠800毫升（約3包多d既維他奶份量或兩碗半粥）
就最好睇番醫生
由營養師安排番餐比佢

不過最重要都係佢平時食普通野食得夠
你不妨問番佢想食咩野就比佢食咩野（當然唔可以同個病有抵觸）
只要食得夠就唔需要食補品
因為補品佢吸收唔到食左都係痾番

唔肥唔緊要冇胃口都唔緊要
千萬唔好用你地既眼光企圖或意圖谷肥佢
老人家最緊要係夠精神
無胃口就唔想食係正常既
最重要係搵番冇胃口既原因
夾硬迫住食唔一定係好事