請問女士們如何選擇化妝品呢?

我每樣野都會首先功能係好唔好，上網做research睇下個產品好唔好，自己係咩類型既皮膚，同埋處於咩野天氣，同埋牌子既信譽程度(例如會唔會對皮膚做成大影響)，其次係價錢值唔值呢個價

不如我逐一化妝品分享下係功能上我點樣揀

1. base：我係面油人，所以夏天時我會比較注意防曬數字，同埋控唔控油，冬天既話我會考慮保唔保濕，有陣時會跟據皮膚既狀況睇下買唔買有色既base

2. 粉底：要睇天氣，夏天一定用粉餅(防水防油，以免溶妝)，冬天會考慮用粉底液，保濕d，同埋考慮埋遮瑕效果，最緊要係要同其他皮膚唔會有大既色差，所以買時一定要將粉底試係臉既邊邊，睇下同頸有無色差，無色差會自然好多

3. 眼線：我永遠都揀抗油抗水既眼線，因為我眼皮多油，所以我多數會用眼線液/膠，同埋易唔易畫，仲有要睇下想唔想自然d買啡色眼線，會唔會畫係下眼線(一定要揀防水)等等既問題

4. 睫毛液：以我黎講好易溶眼妝，所以我都會買防水既，同埋睫毛液會唔會令睫毛易唔捲，效果夠唔夠濃/長

5. 眼影：我比較唔會買單色眼影，我會買眼影盤，因為唔洗擔心眼影配色，同埋加少少錢多幾隻色感覺上好似抵d！XD，夏天眼皮會多油d，所以用眼影膏比較持久，同埋要睇下眼影顯唔顯色，會唔會見到既顏色同畫係皮膚上效果唔一樣

6. 唇妝：睇下想自然d定係閃d，自然d會揀比較水潤既唇膏，想閃d會用唇彩，會唔會cover到唇色/唇紋

7: 眉妝：睇下想自然d定係想強調眉形d，自然既話會用眉粉，強調眉形既話會用眉筆

以上就係我買野會考慮既，希望可以幫到你啦！

Makeup.X 香港時尚美容資訊網
網址 - http://mxbeauty.net

=本網站專屬主題如下=

- 化妝專屬版區
- 美容專屬版區
- 髮型專屬版區
- 修身專屬版區
- 美甲專屬版區
- 時尚潮流版區

- 同時亦提供收費化妝工作、收費化妝服務，
如有任何活動及埸合，可預約化妝師，歡迎留言。(專人跟進客戶需要)

- 本站提供專業證書課程:
專業化粧 / 髮型文憑及証書、國際專業美容文憑、
專業美容文憑及高級文憑、國際專業導師培訓課程。


***有大家的支持，Makeup.X 才會更有進步***

對我來說，粉底一定要透氣度高，防敏感，貼面，粉質幼細，

最好，是現時流行的礦物質粉底，因為礦物質粉底有護膚成份。

粉底液，就要適合自已膚色，防敏感，不會太油，要清爽，

貼面自然，還要有控油功能。

眼影就要不易化開，眼影顏色是自已喜歡的顏色，

眼影容易上色，眼影也應該選有維他命成份。

胭脂就是選擇色澤自然，自已喜歡的顏色，

容易上色，掃一兩下就易經上色，顏色我都會選擇粉紅色類別。

眼線筆，我會選擇幼筆的眼線筆，比較容易畫，不易化開，

下眼線用啡色，上眼線用黑色。

眱毛液，選黑色，隻眼看來會大D,一定要選防水眱毛液，

還要有增長，濃密的功能。

我喜歡選唇彩，看來個嘴會令D ,靚D,

唇部的唇膏或唇彩，我覺得品質一定要好，

因為品質差的唇膏或唇彩有致癌物質，唔健康，

粉餅可以出外補妝用，粉餅品質一定要好，

粉餅透氣度要高，貼面輕薄，也要選擇適合你的膚色，

粉餅是一天都會用上幾次，所以粉餅品質不可以忽視，

因為有些粉餅很貼面很自然，

是不覺得搽左一層厚厚的粉，就算唔化眼影、胭脂，

只是掃了薄粉，塗唇彩，

別人看來也會覺得你是天生麗質，皮膚幼細，超自然。


我是教化妝的導師，我叫 Helen ,

如果你有任何問題，你隨時可以聯絡我，

我有個別教化妝，100元一堂包全部材料，一堂一個半小時，

你想學化妝，我很樂意教你，


我的電郵地址：


[email protected]